Senat Bıýrosynda kezekti otyrysynyń kún tártibine usynystar qaraldy
ASTANA. QazAqparat - Qasym-Jomart Toqaevtyń tóraǵalyq etýimen Senat Bıýrosynyń otyrysy boldy.
Senat Tóraǵasy besinshi shaqyrylymdaǵy tórtinshi sessııanyń ashylýy barysyndaǵy Palatalardyń birlesken otyrysynda Memleket basshysynyń Parlament aldyna qoıǵan mindetterine depýtattardyń nazaryn aýdardy. Q.Toqaev parlamentshilerdiń basty mindeti - Memleket basshysynyń barlyq tapsyrmalaryn joǵary sapalyq deńgeıde zańnamalyq turǵyda qamtamasyz etý ekenin atap ótti.
Odan basqa, Senat Tóraǵasy Senattyń kezekti saılaýyna ázirlik aıasynda aımaqtarda júrgizilip jatqan belsendi jumystardy atap ótti. Q.Toqaev aldaǵy saılaý naýqany Parlamenttiń jumysyna jańa serpin beretinine senim bildirdi.
Joǵarǵy Palatanyń 4 qyrkúıekte bolatyn kezekti otyrysynyń kún tártibine usynystar qaraldy. Senat otyrysyna Palatanyń turaqty komıtetiniń quramyna Senat depýtaty Bektas Beknazarovty saılaý máselesi shyǵarylady. Depýtattar sondaı-aq Qazaqstan men Ulybrıtanııa jáne Soltústik Irlandııa Qurama Koroldiginiń Úkimetteri arasyndaǵy Ulybrıtanııa jáne Soltústik Irlandııa Qurama Koroldigi Qarýly Kúshteriniń Aýǵanstandy turaqtandyrý men qalpyna keltirý jónindegi halyqaralyq is-qımyldarǵa qatysýyna baılanysty Qazaqstan Respýblıkasynyń aýmaǵy arqyly júk tranzıtin qamtamasyz etý týraly kelisimdi ratıfıkatsııalaý týraly zań jobacyn qaraıdy.
Senat Tóraǵasy Qasym-Jomart Toqaev Parlament Senatynyń Áleýmettik-mádenı damý jáne ǵylym komıtetiniń tóraǵasy Aqan Bıjanovqa «Nur Otan» partııasynyń «Belsendi qyzmeti úshin» tósbelgisin tabys etti.
