Senat Bıýrosy zań jobalaryn salalyq komıtetterge bóldi
ASTANA. QazAqparat - Senat Bıýrosy Májilisten túsken on zań jobasyna bas komıtetterdi belgiledi.
Palata Tóraǵasy Qasym-Jomart Toqaev qol qoıǵan Bıýro Qaýlysyna sáıkes, Áleýmettik-mádenı damý jáne ǵylym komıteti «Qazaqstan halqy Assambleıasy týraly» zańǵa túzetýler jobasy, sondaı-aq Eýrazııalyq ekonomıkalyq odaq sheńberinde dárilik zattar aınalysynyń biryńǵaı qaǵıdattary men qaǵıdalary týraly kelisimdi jáne EAEO sheńberinde medıtsınalyq buıymdar (medıtsınalyq maqsattaǵy buıymdar men medıtsınalyq tehnıka) aınalysynyń biryńǵaı qaǵıdattary men qaǵıdalary týraly kelisimdi ratıfıkatsııalaý boıynsha bas komıtet bolyp belgilendi.
Halyqaralyq qatynastar, qorǵanys jáne qaýipsizdik komıteti Qazaqstan men Reseı arasyndaǵy Qazaqstandyq Balqash torabyn berý sharttary jáne ony zymyran shabýyly týraly Reseı eskertý júıesinde odan ári paıdalaný tártibi týraly úkimetaralyq kelisimdi ratıfıkatsııalaý máselesin júzege asyratyn bolady. Konstıtýtsııalyq zańnama, sot júıesi jáne quqyq qorǵaý organdary komıteti Qylmystyq jazany shetelde óteý týraly amerıkaaralyq konventsııany ratıfıkatsııalaý týraly jáne zańnamaǵa quqyq qorǵaý organdarynyń qyzmetin jáne quqyq qorǵaý qyzmetin ótkerý tártibin jetildirý máseleleri boıynsha túzetýler engizý týraly zań jobalary boıynsha Konstıtýtsııalyq zańnama, sot júıesi jáne quqyq qorǵaý organdary komıteti bas komıtet bolyp belgilendi. Ekonomıkalyq saıasat, ınnovatsııalyq damý jáne kásipkerlik komıteti birqatar zań jobalary boıynsha bas komıtet bolyp belgilendi. Atap aıtqanda, zańnamaǵa arnaıy ekonomıkalyq aımaqtardy jetildirý máseleleri boıynsha, qurylystaǵy baǵa belgileý, sáýlet-qurylys baqylaýyn, sondaı-aq obektilerdi paıdalanýǵa qabyldaýdy júzege asyrý máseleleri boıynsha túzetýler boıynsha jobalardy qolǵa alady. Odan basqa, komıtet zańnamaǵa jol-kólik ınfraqurylymyn, kóliktik logıstıkany jáne avıatasymaldy damytý máseleleri boıynsha ózgerister men tolyqtyrýlar, sondaı-aq jergilikti ózin-ózi basqarýdy damytý máseleleri boıynsha túzetýler jobasy boıynsha bas komıtet bolyp belgilendi. Bas komıtetter Senat komıtetteriniń usynystaryn pysyqtap, osy zań jobalaryn Palata otyrysynda qaraý úshin tıisti qorytyndy ázirleıdi.
