Senat Bıýrosy: Zań jobalary bólindi
ASTANA. QazAqparat - Qasym-Jomart Toqaevtyń tóraǵalyq etýimen Qazaqstan Respýblıkasy Parlamenti Senatynyń Bıýro otyrysy boldy.
Bıýroda Májilisten túsken zań jobalary komıtetterge bólinip berildi.
Konstıtýtsııalyq zańnama, sot júıesi jáne quqyq qorǵaý organdary komıteti «Halyqaralyq jeke quqyq jónindegi Gaaga konferentsııasynyń Jarǵysyn ratıfıkatsııalaý týraly» zań jobasyn odan ári pysyqtaý ári qorytyndy ázirleý boıynsha jaýapty boldy.
«Qazaqstan Respýblıkasynyń keıbir zańnamalyq aktilerine dene shynyqtyrý jáne sport máseleleri boıynsha ózgerister men tolyqtyrýlar engizý týraly» zań jobasy boıynsha bas komıtet bolyp Áleýmettik-mádenı damý jáne ǵylym komıteti belgilendi.
Bıýroǵa Palatanyń 2017 jyly 6 sáýirde ótetin kezekti otyrysynyń kún tártibi boıynsha usynystar da engizildi.
Senatorlar zańnamaǵa áýe keńistigin paıdalaný jáne avıatsııa qyzmeti máseleleri boıynsha túzetýlerdi, «Kollektorlyq qyzmet týraly» jáne «Qazaqstan Respýblıkasynyń keıbir zańnamalyq aktilerine kollektorlyq qyzmet máseleleri boıynsha ózgerister men tolyqtyrýlar engizý týraly» ilespe zań jobasyn qaraıtyn boldy.
