Senat Bıýrosy palatanyń aldaǵy otyrysynyń kún tártibin naqtylady
ASTANA. 22 sáýir. QazAqparat - Búgin Senat spıkeri Qaırat Mámıdiń tóraǵalyq etýimen Qazaqstan Respýblıkasy Parlamenti Senatynyń Bıýro otyrysy boldy. Bul týraly Senattyń baspasóz qyzmetinen habarlandy.
Bıýroda Senattyń 2013 jylǵy 25 sáýirde bolatyn kezekti jalpy otyrysynyń kún tártibi talqylandy. Otyrysta Pornografııalyq basylymdar aınalysynyń jáne olardy saýdalaýdyń jolyn kesý týraly halyqaralyq konventsııany ratıfıkatsııalaý týraly zań jobasyn qaraý josparlanyp otyr.
Otyrystyń kún tártibine «Qazaqstan Respýblıkasynyń keıbir zańnamalyq aktilerine quqyq qorǵaý qyzmeti máseleleri boıynsha ózgerister men tolyqtyrýlar engizý týraly» zań jobasy jáne elimizdiń keıbir zańnamalyq aktilerine tóreliktiń jáne aralyq sottyń qyzmetin jetildirý máseleleri boıynsha ózgerister men tolyqtyrýlar engizý týraly zań jobasy (ekinshi oqylymda) usynyldy.
