Senat Bıýrosy: Palatanyń 24 naýryzda bolatyn otyrysynyń kún tártibi kelisildi
ASTANA. QazAqparat - Parlament Senatynyń Bıýrosy Palatanyń 2016 jylǵy 24 naýryzda bolatyn otyrysynyń kún tártibin kelisti.
Senatorlar UQShU-ǵa múshe memleketterdiń temir joldaryn tehnıkalyq búrkemeleýdiń biryńǵaı júıesin qurý týraly kelisimniń qoldanys merzimin uzartý jáne oǵan ózgerister engizý týraly hattamany; Áskerı jáne basqa da quralymdardy, olardyń jyljymaly múlkin, sondaı-aq áskerı maqsattaǵy ónimdi tasymaldaý salasyndaǵy UQShU-ǵa múshe memleketterdiń yntymaqtastyǵy týraly kelisimdi; Qazaqstan men Aýstrııa arasyndaǵy júkterdiń halyqaralyq avtomobıl tasymaldary týraly úkimetaralyq kelisimdi ratıfıkatsııalaý týraly zań jobalaryn talqylaıdy.
Zańnamaǵa tutynýshylardyń quqyqtaryn qorǵaý máseleleri boıynsha túzetýlerdi birinshi oqylymda qaraý josparlandy. Zańnamaǵa poshta; «jasyl ekonomıkaǵa» kóshý; astyq naryǵyn retteý; sondaı-aq ekologııalyq máseleler boıynsha ózgerister men tolyqtyrýlar ekinshi oqylymda qaralatyn bolady.
