Senat Bıýrosy: Palatanyń 1 qazanda bolatyn kezekti otyrysynyń kún tártibi kelisildi

Bıýroda Senat Tóraǵasy Qasym-Jomart Toqaev atap ótkendeı, «Memleket qurylysyndaǵy 100 naqty qadam» Ult josparyn iske asyrýǵa baǵyttalǵan zań jobalaryn Májilis maquldap, Senattyń qaraýyna jibere bastady. Qazirgi kezde Senatta Prezıdent N.Nazarbaevtyń ınstıtýttyq reformalary aıasyndaǵy 22 zań jobasy boıynsha jumystar júrgizilýde. Tóraǵanyń aıtýynsha, Senat aldynda qaýyrt jumystar kútip tur, «qabyldanatyn zańdardyń mańyzdylyǵyn eskere kele, biz olardy jan-jaqty talqylap, óte muqııat qaraýymyz qajet. Ýaqyttyń tyǵyzdyǵyna qaramastan, zań jobalary boıynsha qaıshylyqtar týyndaǵan jaǵdaıda ol máselelerdi tereń pysyqtap, Úkimetpen birlese otyryp sheshim qabyldaǵan jón bolady», - dedi Q.Toqaev óz sózinde.

Senat Tóraǵasy elimizdiń Dúnıejúzilik saýda uıymyna kirýine baılanysty Májilis jedel túrde maquldaǵan eki zań jobasyna da nazar aýdaryp, senatorlardy zań jobalaryn basymdyq retimen qaraýǵa shaqyrdy. Bul jerde 1994 jylǵy 15 sáýirdegi DSU-ny kurý týraly Marrakesh kelisimine Qazaqstan Respýblıkasynyń qosylýy týraly hattamany ratıfıkatsııalaý týraly jáne bizdiń elimizdiń osy uıymǵa kirýine baılanysty zańnamaǵa túzetýler engizý týraly zań jobalary jaıynda aıtylyp otyr.

Bıýroda Májilisten túsken zań jobalary Senattyń turaqty komıtetterine bólindi. Halyqaralyq qatynastar, qorǵanys jáne qaýipsizdik komıteti «Qazaqstan Respýblıkasynyń memlekettik rámizderi týraly» Qazaqstan Respýblıkasynyń Konstıtýtsııalyq zańyna, úkimettik emes uıymdardyń qyzmeti máseleleri boıynsha zańnamaǵa túzetýler engizý týraly jáne Qazaqstan-Qytaı memlekettik shekarasynyń rejımi týraly QHR-men úkimetaralyq kelisimdi ratıfıkatsııalaý týraly zań jobasy boıynsha bas komıtet bolyp belgilendi.

Ekonomıkalyq saıasat, ınnovatsııalyq damý jáne kásipkerlik komıteti Qazaqstan Respýblıkasynyń Kásipkerlik kodeksiniń jobasy, zańnamaǵa kásipkerlik máseleleri boıynsha ilespe túzetýlermen, sondaı-aq zańnamalyq aktilerge elektr energetıkasy máseleleri boıynsha ózgerister men tolyqtyrýlarmen aınalysatyn bolady. Odan basqa, osy komıtetke DSU-ny qurý týraly Marrakesh kelisimine Qazaqstannyń qosylýy týraly hattamanyń ratıfıkatsııasyn, osy uıymǵa kirýge baılanysty zańnamaǵa ózgerister men tolyqtyrýlar jobasyn, sondaı-aq Shanhaı yntymaqtastyq uıymyna múshe memleketterdiń úkimetteri arasyndaǵy halyqaralyq avtomobıl tasymaldary úshin qolaıly jaǵdaılar jasaý týraly kelisimniń ratıfıkatsııasyn qolǵa alý tapsyryldy.

Konstıtýtsııalyq zańnama, sot júıesi jáne quqyq qorǵaý organdary komıteti Esirtki, psıhotroptyq zattar men olardyń prekýrsorlarynyń úlgilerin berý tártibi týraly kelisimdi, Qazaqstan men Majarstan arasyndaǵy qylmystyq ister boıynsha ózara quqyqtyq kómek týraly shartty, Qazaqstan men Monako arasyndaǵy qylmystyq ister boıynsha ózara quqyqtyq kómek týraly shartty ratıfıkatsııalaýdy pysyqtaıtyn boldy.

«Memlekettik aýdıt jáne qarjylyq baqylaý týraly» zań jobasy jáne zańnamaǵa memlekettik aýdıt jáne qarjylyq baqylaý máseleleri boıynsha ózgerister men tolyqtyrýlar engizý týraly ilespe zań jobasy Qarjy jáne bıýdjet komıtetine tapsyryldy.

Áleýmettik-mádenı damý jáne ǵylym komıteti «Ǵylymı jáne (nemese) ǵylymı-tehnıkalyq qyzmet nátıjelerin kommertsııalandyrý týraly» zań jobasy, zańnamaǵa ilespe ózgerister men tolyqtyrýlar engizý týraly zań jobasy, keıbir zańnamalyq aktilerge mádenıet jáne tarıhı-mádenı mura máseleleri boıynsha, sondaı-aq halyqty áleýmettik qorǵaý máseleleri boıynsha túzetýler jobalary boıynsha bas komıtet bolyp belgilendi.

«Aýyl sharýashylyǵy kooperatsııasy týraly» zań jobasy, zańnamaǵa aýyl sharýashylyǵy kooperatsııasy máseleleri boıynsha ilespe túzetýlerdi, Jer kodeksine túzetýlerdi, «Memlekettik-jekeshelik áriptestik týraly» jáne «Qazaqstan Respýblıkasynyń keıbir zańnamalyq aktilerine memlekettik-jekeshelik áriptestik salasynda ózgerister men tolyqtyrýlar engizý týraly» ilespe zań jobasyn Agrarlyq máseleler, tabıǵatty paıdalaný jáne aýyldyq aýmaqtardy damytý komıteti qolǵa alatyn boldy.

Senattyń 1 qazanda bolatyn jalpy otyrysyna 13 zań jobasy shyǵarylatyn boldy. Atap aıtqanda, depýtattar DSU-ny qurý týraly Marrakesh kelisimine Qazaqstannyń qosylýy týraly hattamany ratıfıkatsııalap, DSU- ǵa kirýge baılanysty zańnamaǵa ózgerister men tolyqtyrýlar engizý týraly zań jobalaryn qaraıdy. Palata EAEO sheńberinde dárilik zattar aınalysynyń biryńǵaı qaǵıdattary men qaǵıdalary týraly kelisimdi, EAEO sheńberinde medıtsınalyq buıymdar (medıtsınalyq maqsattaǵy buıymdar men medıtsınalyq tehnıka) aınalysynyń biryńǵaı qaǵıdattary men qaǵıdalary týraly kelisimdi, Qylmystyq jazany shetelde óteý týraly amerıkaaralyq konventsııany, Qazaqstan men Reseı arasyndaǵy Qazaqstandyq Balqash torabyn berý sharttary jáne ony zymyran shabýyly týraly Reseı eskertý júıesinde odan ári paıdalaný tártibi týraly úkimetaralyq kelisimdi, Qazaqstan men Qyrǵyzstan arasyndaǵy Halyqaralyq avtomobıl qatynasy týraly úkimetaralyq kelisimge ózgerister engizý týraly hattamany, Qazaqstan men Iran arasyndaǵy Jolaýshylar men júkterdiń halyqaralyq avtomobıl tasymaldary týraly úkimetaralyq kelisimdi ratıfıkatsııalaýdy josparlap otyr.

Odan basqa, senatorlar «Qazaqstan halqy Assambleıasy týraly» zańǵa ózgerister men tolyqtyrýlar týraly zań jobasyn qaraıdy. Sondaı-aq jol-kólik ınfraqurylymyn, kóliktik logıstıkany jáne avıa tasymaldy damytý máseleleri boıynsha; arnaıy ekonomıkalyq aımaqtardy jetildirý máseleleri boıynsha; saýda qyzmetin retteý máseleleri boıynsha; sáýlet, qala qurylysy jáne qurylys qyzmeti máseleleri boıynsha zańnamaǵa birqatar túzetýlerdi birinshi oqylymda talqylaý josparlandy.