Senat Bıýrosy palata otyrysynyń kún tártibin naqtylady
ASTANA. 18 aqpan. QazAqparat - Búgin Senat spıkeri Qaırat Mámıdiń tóraǵalyq etýimen Qazaqstan Respýblıkasy Parlamenti Senatynyń Bıýro otyrysy boldy.
Bıýroda Parlament Májilisinde maquldanǵan zań jobalary Senattyń turaqty komıtetteri men Apparatyna berildi. Bul týraly Senatttyń baspasóz qyzmetinen habarlandy.
Sonymen qatar, otyrysta Tabıǵaty paıdalaný jáne aýyldyq aýmaqtardy damytý komıteti «Jańartylatyn energııa jónindegi halyqaralyq agenttiktiń (IRENA) Jarǵysyn ratıfıkatsııalaý týraly» zań jobasyn pysyqtaý jónindegi bas komıtet bolyp belgilendi. Sondaı-aq, Bıýroda Senattyń 2013 jylǵy 21 aqpanda bolatyn kezekti jalpy otyrysynyń kún tártibi talqylandy. Ol boıynsha palata basqosýynda Eýropa Qaıta Qurý jáne Damý Bankin qurý týraly kelisimge onyń Ońtústik jáne Shyǵys Jerorta teńizi elderindegi qyzmetin sanktsııalaıtyn jáne alýshy elderde jáne áleýetti alýshy elderde arnaıy qorlardyń qarajatyn paıdalanýdy sanktsııalaıtyn túzetýlerdi ratıfıkatsııalaý týraly zań jobalary qaralatyn boldy.
Odan basqa, depýtattar «Jańartylatyn energııa jónindegi halyqaralyq agenttiktiń (IRENA) Jarǵysyn ratıfıkatsııalaý týraly» zań jobasyn talqylaıtyn boldy.
