Senat bıýrosy palata otyrysynyń kún tártibin naqtylady
ASTANA. 10 jeltoqsan. QazAqparat - Búgin Senat Tóraǵasy Qaırat Mámıdiń tóraǵalyq etýimen Parlament Senatynyń bıýro otyrysy boldy. Bul týraly Senattyń baspasóz qyzmetinen habarlandy.
Bıýroda Parlament Májilisinde maquldanǵan «QR keıbir zańnamalyq aktilerine QR ІІM-niń Іshki áskerleri máseleleri boıynsha ózgerister men tolyqtyrýlar engizý týraly» Zań jobasy Senattyń turaqty komıtetteri men Apparatyna berildi. Halyqaralyq qatynastar, qorǵanys jáne qaýipsizdik komıteti atalǵan zań jobasyn odan ári pysyqtaý úshin bas komıtet bolyp belgilendi.
Bıýroda sondaı-aq 2012 jylǵy 13 jeltoqsanda bolatyn Senattyń kezekti otyrysynyń kún tártibi talqylandy. Otyrysta «Memlekettik bilim berý jınaqtaý júıesi týraly» zań jobasyn jáne birinshi oqylymda Memlekettik bilim berý jınaqtaý júıesi máseleleri boıynsha zańnamaǵa túzetýler qarastyrylady. Budan basqa, «QR keıbir zańnamalyq aktilerine terrorızmge qarsy is-qımyl máseleleri boıynsha ózgerister men tolyqtyrýlar engizý týraly» Zańynyń jobasyn ekinshi oqylymda qaraý josparlanýda.
