Senat Bıýrosy aldaǵy palata otyrysynyń kún tártibin naqtylady
ASTANA. 21 qańtar. QazAqparat - Búgin Parlament Senatynda Qaırat Mámıdiń tóraǵalyq etýimen Palatanyń Bıýro otyrysy bolyp ótti.
Bıýroda Parlament Májilisi maquldaǵan zań jobalary turaqty komıtetterge jáne Senat Apparatyna berildi. Bul týraly Senattyń baspasóz qyzmetinen habarlandy.
Sondaı-aq, Bıýro otyrysynda «Qazaqstan Respýblıkasy men Azııa Damý banki arasyndaǵy Qaryz týraly kelisimdi (Jaı operatsııalar) (OAÓEY Dáliz 1 [Taraz qalasynyń aınalma joly] [Batys Eýropa batys Qytaı halyq Respýblıkasy halyqaralyq tranzıt dálizi] Joba) ratıfıkatsııalaý týraly» zań jobasyn odan ári pysyqtaý úshin Ekonomıkalyq damý jáne kásipkerlik komıtetine jiberildi. Budan bólek, osy komıtet «Qazaqstan Respýblıkasyndaǵy arnaıy ekonomıkalyq aımaqtar týraly» Qazaqstan Respýblıkasynyń zańyna ózgerister men tolyqtyrýlar engizý týraly» zań jobasyna bas komıtet bolyp belgilendi.
Odan basqa, Bıýroda 2013 jylǵy 24 qańtarda bolatyn Senattyń kezekti otyrysynyń kún tártibi talqylandy. Otyrysta «Qazaqstan Respýblıkasy men Azııa Damý banki arasyndaǵy Qaryz týraly kelisimdi (Jaı operatsııalar) (OAÓEY Dáliz 1 [Taraz qalasynyń aınalma joly] [Batys Eýropa Batys Qytaı Halyq Respýblıkasy halyqaralyq tranzıt dálizi] Joba) ratıfıkatsııalaý týraly» zań jobasyn qaraý josparlandy. Depýtattardyń qaraýyna elimizdiń keıbir zańdaryna básekelestik jáne áleýmettik qamsyzdandyrý máseleleri ózgerister men tolyqtyrýlar engizý týraly zań jobalary usynylady.
