SENAT: Bıýroda Palatanyń kezekti otyrysynyń kún tártibi talqylandy
ASTANA. QazAqparat - 3 qarashada Qasym-Jomart Toqaevtyń tóraǵalyq etýimen Qazaqstan Respýblıkasy Parlamenti Senaty Bıýrosynyń otyrysy boldy.
Senattyń turaqty komıtetteri men Apparatyna Parlament Májilisinde maquldanǵan zań jobalary berildi.
«2014 - 2016 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyna ózgerister engizý týraly» zań jobasyn odan ári pysyqtaý úshin bas komıtet bolyp Qarjy jáne bıýdjet komıteti belgilendi.
Halyqaralyq qatynastar, qorǵanys jáne qaýipsizdik komıteti Qazaqstan men Qytaı Úkimetteri arasyndaǵy dıplomatııalyq ókildikterdiń ǵımarattaryn salý úshin jer ýchaskelerin ózara berý týraly kelisimdi ratıfıkatsııalaý týraly; «Damýǵa resmı kómek týraly»; «Qazaqstan Respýblıkasynyń keıbir zańnamalyq aktilerine damýǵa resmı kómek máseleleri boıynsha ózgerister men tolyqtyrýlar engizý týraly» zań jobalary boıynsha bas komıtet bolyp belgilendi.
Agrarlyq máseleler, tabıǵatty paıdalaný jáne aýyldyq aýmaqtardy damytý komıteti «Energııa únemdeý jáne energııa tıimdiligin arttyrý týraly» Qazaqstan Respýblıkasynyń Zańyna ózgerister men tolyqtyrýlar engizý týraly» zań jobasy boıynsha bas komıtet bolyp belgilendi.
Bıýroda 2014 jylǵy 6 qarashada bolatyn Palatanyń kezekti otyrysynyń kún tártibi belgilendi.
«2014 - 2016 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyna ózgerister engizý týraly»; «Azyq-túlik qaýipsizdigi jónindegi Islam Uıymynyń jarǵysyn ratıfıkatsııalaý týraly»; «Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy Qorǵas ózeninde «Dostyq» birlesken ortaq sý torabyn basqarý jáne paıdalaný týraly kelisimdi ratıfıkatsııalaý týraly»; «Qazaqstan Respýblıkasynyń keıbir zańnamalyq aktilerine turǵyn úı qatynastary máseleleri boıynsha ózgerister men tolyqtyrýlar engizý týraly» zań jobalaryn (birinshi oqylymda) qaraý kózdelip otyr.
