Senat bıýdjet tapshylyǵyn eńserýge qatysty qujatty maquldady
ASTANA. KAZINFORM — Búgin Senattyń jalpy otyrysynda «Qazaqstan men Halyqaralyq Qaıta Qurý jáne Damý Banki arasyndaǵy qaryz týraly kelisimdi ratıfıkatsııalaý týraly» Zańy men «Qazaqstan men Azııa Infraqurylymdyq Investıtsııalar Banki arasyndaǵy qaryz týraly kelisimdi ratıfıkatsııalaý týraly» Zańy maquldandy.
— Atalǵan eki zańnyń da negizgi maqsaty — ortaq, ıaǵnı josparly kezeńge arnalǵan respýblıkalyq bıýdjet tapshylyǵyn ýaqtyly qarjylandyrý jáne memlekettiń halyq aldyndaǵy barlyq áleýmettik jáne ekonomıkalyq mindettemelerin úzdiksiz qamtamasyz etý. Qarjylyq sharttarǵa toqtalatyn bolsaq, eki halyqaralyq qarjy uıymymen de kelisimder óte uqsas ári tıimdi negizde jasalǵan. Máselen, Azııa Infraqurylymdyq Investıtsııalar Bankinen tartylatyn qaryz somasy 62,3 mlrd japon ıenin qurasa, Halyqaralyq Qaıta Qurý jáne Damý Bankinen tartylatyn ekinshi qaryz somasy 92,3 mdrd japon ıenine teń. Eki kelisim boıynsha da qarjylandyrý sharttary birdeı. Atap aıtqanda, qaryzdar 5 jyldyq jeńildik kezeńin qosa alǵanda, 11 jyldyq merzimge beriledi, — dedi senator Senator Bekbolat Orynbekov.
Onyń maıtýynsha, nesıeniń paıyzdyq mólsherlemesi halyqaralyq TONA naryqtyq stavkasyna negizdelgen. Al banktiń qyzmeti men aqshanyń paıdalanylmaǵan bóligi úshin tólenetin komıssııa kólemi nesıe somasynyń 0,25 paıyzyn ǵana quraıdy.
— Bul rette, atalǵan qaryzdarǵa qyzmet kórsetý men olardy óteý sharalary aldaǵy jyldardyń respýblıkalyq bıýdjetinde kózdeletin qarajat esebinen Qarjy mınıstrligi tarapynan júıeli túrde júzege asyrylady. Zańdardy qabyldaýdyń nátıjesinde memleketimiz osy jyldyń bıýdjet tapshylyǵyn tıimdi jaýyp, ekonomıkanyń ósýin qoldaý baǵdarlamalaryn kedergisiz jalǵastyrýǵa múmkindik alady. Osylaısha, 2026 jylǵa arnalǵan respýblıkalyq bıýdjet aıasynda memlekettiń ózine qabyldaǵan barlyq mindettemeleriniń tolyq oryndalýy qamtamasyz etiledi, — dedi depýtat.
Aıta keteıik, byltyr Qarjy mınıstri Mádı Takıevke Qazaqstannyń memlekettik boryshty basqarý keńesin qurýyna ne sebep bolǵany aıtty
