Senat bekire tuqymdas balyq túrlerin aýlaýdyń búkil úderisine memlekettik aıryqsha monopolııa engizýdi usyndy
ASTANA. Qazannyń 22-ci. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palata depýtattary «QR keıbir zańnamalyq aktilerine balyq sharýashylyǵy máseleleri boıynsha ózgerister men tolyqtyrýlar engizý týraly» zań jobasyn ekinshi oqylymda talqylap, qujatty Májiliske qaıtardy,
dep habarlaıdy QazAqparat.
Atalmysh qujat Elbasynyń joldaýlaryn jáne Úkimettiń 2007-2009 jyldarǵa arnalǵan baǵdarlamasyn iske asyrýdyń jalpyulttyq josparyna sáıkes ázirlengen. Jobanyń negizgi maqsaty balyq resýrstaryn jáne basqa da sý janýarlaryn qorǵaýdy, olardyń ósimin molaıtýdy jáne utymdy paıdalanýdy quqyqtyq jaǵynan qamtamasyz etý bolyp otyr.
Osy rette, qujatta balyq sharýashylyǵynyń qarqyndy jáne jan-jaqty damýyn qamtý maqsatynda, sondaı-aq balyqty jasandy túrde ósirýdiń normalaryn retteý men balyqtardyń qyrylýyna qarsy sharalar kózdeledi. Bunymen qosa jobada eń bastysy tabıǵı ortadan alynǵan bekire tuqymdas balyqtardy satyp alýǵa jáne olardyń ýyldyryǵyn qaıta óńdeý jáne satýǵa memlekettik monopolııa engizý qarastyrylǵan bolatyn. Bul Elbasynyń tapsyrmasyna sáıkes, Kaspıı qoryqtyq aımaǵynyń ekojúıesin jáne bıologııalyq alýan túrliligin saqtaý qajettiligine baılanysty júzege asyrylady.
Jobany talqylaý barysynda senatorlar birqatar túzetýler engizdi. Máselen, joǵary palata depýtattary janýarlar dúnıesi nysandaryn alyp qoıýǵa arnalǵan kvotany bólý tártibin Úkimettiń quziretine bergen jón dep sanaıdy. Budan basqa, Senat usynǵan ózgerister boıynsha balyqtyń bekire tuqymdas túrlerin aýlaýdyń búkil úderisine, ýyldyryǵyn, sondaı-aq basqa da ónimderin óńdeý men ótkizýge memlekettiń aıryqsha monopolııasyn belgileý qarastyrylady.
ıAǵnı, senatorlar Májilis jobasynda memlekettik monopolııanyń kóbinese ýyldyryq máselesine qatysty bolǵanyn alǵa tartyp, atalǵan norma aýqymyn keńeıtip otyr.
