Senat balanyń quqyqtaryn jańa tártipte qorǵaıtyn qujatty qabyldady
ASTANA. QazAqparat - Parlament Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine balanyń quqyqtaryn qorǵaý jónindegi fýnktsııalardy júzege asyratyn uıymdardyń qyzmetimen baılanysty máseleler boıynsha ózgerister men tolyqtyrýlar engizý týraly» Zańyn eki oqylymda qabyldady, dep habarlaıdy QazAqparat tilshisi.
Atap aıtqanda, bul zań jobasyn Májilis depýtaty Svetlana Bychkova tanystyrdy.
Onyń sózine qaraǵanda, búginde zańdar balanyń qıyn ómirlik jaǵdaıǵa tap bolýyn baǵalaıtyn negizdemelerdiń túrli tizbesin qamtıdy. Naqty túrde balalarǵa qajetti arnaıy áleýmettik qyzmetter júıesin kimderdiń qalyptastyratyny ashyq másele kúıinde qalyp otyr. Osyǵan baılanysty zań jobasynda kámeletke tolmaǵandar úshin qıyn ómirlik jaǵdaı túsinigi sáıkestendirildi.
«Balalardyń qaraýsyz jáne panasyz bolýyna jol bermeýdiń jańa formasy retinde medıtsınalyq-áleýmettik eseptilik engizildi. Bul turǵyda balaǵa arnaıy áleýmettik qyzmetterdi kórsetýdiń negizi pysyqtaldy», - dedi S. Bychkova.
Osy sharalar qıyn ómirlik jaǵdaıǵa tap bolǵan jetkinshekterdiń medıtsınalyq-áleýmettik pasporttaryn engizýge negiz bolady. ıAǵnı, qıyn jaǵdaıdaǵy árbir bala ár óńirde júıelengen túrde esepke alynyp, oǵan nazar aýdarylady.
Sonymen qatar, ol arnaıy bilim berý uıymdarynda júrgen kámeletke tolmaǵandarǵa qatysty keleńsizdikterge jol bermeý máselesine toqtaldy. Máselen, arnaıy mektepti támamdaǵan balanyń bilimi týraly kýáliginde onyń devıantty minez-qulyqty jetkinshekterge arnalǵan oqý ornyn aıaqtaǵany týraly kórsetiledi. Alaıda bul jaǵdaı stıgmatızatsııaǵa alyp keledi jáne balanyń aldaǵy ómirinde áleýmettenýine kedergi keltiredi. Zań jobasynda bul jaǵdaıdy túzetýge negizdelgen normalar engizilýde.
