Senat BAQ ókilderi arasynda «Parasat» baıqaýyn jarııalady
ASTANA. KAZINFORM – QR Parlamentiniń Senaty buqaralyq aqparat quraldary ókilderi arasynda dástúrli «Parasat» baıqaýynyń bastalǵanyn habarlady.
Bul týraly Senat tóraǵasy Máýlen Áshimbaev Facebook áleýmettik jelisindegi paraqshasynda jazdy.
– Baıqaýǵa Memleket basshysynyń bastamasymen elimizdi damytý jáne azamattardyń ómir súrý sapasyn arttyrý úshin qolǵa alynǵan irgeli isterdiń mánin, onyń ishinde konstıtýtsııalyq reformanyń mańyzyn, sondaı-aq Senattyń osy baǵyttaǵy zańnamalyq jumysyn dáriptep, halyqqa nasıhattap júrgen jýrnalıster, shyǵarmashylyq ujymdar men blogerler qatysa alady, – dedi Máýlen Áshimbaev.
Onyń aıtýynsha, júldeler televızııa, radıo, baspasóz, ınternet-basylym jáne áleýmettik jeli baǵyttary boıynsha úzdik jumystarǵa beriledi.
– Ozyq analıtıkalyq materıalǵa da arnaýly syılyq qarastyrylǵanyn atap ótken jón, – dep jazdy Senat tóraǵasy.
Baıqaýǵa 2025 jylǵy 21 mamyr men 2026 jylǵy 20 mamyr aralyǵynda jarııalanǵan materıaldar qabyldanady.
Ótinimderdi qabyldaý merzimi – 10 maýsymǵa deıin.
Baıqaý kelesi nomınatsııalar boıynsha ótedi:
– Úzdik televızııalyq materıal;
– Úzdik radıomaterıal;
– Basylymdyq BAQ-taǵy úzdik jarııalanym;
– Internet-basylymdaǵy úzdik jarııalanym;
– Áleýmettik jelidegi úzdik jarııalanym;
– Jyldyń arnaýly syılyǵy: Úzdik taldamalyq materıal.
Materıaldardy Senat_Press@parlam.kz jáne Senat.Parasat2026@gmail.com elektrondyq poshtalaryna joldaýǵa bolady.
Jeńimpazdardy marapattaý rásimi Buqaralyq aqparat quraldary qyzmetkerleri kúni qarsańynda ótedi.
Aıta keteıik, Azamattyq bastamalardy qoldaýǵa arnalǵan shaǵyn granttar baıqaýyna 520 ótinim tústi.
