Senat Azamattyq protsestik kodeksiniń jobasy men birqatar zań jobalaryn qaraıdy

Palata Tóraǵasy Qasym-Jomart Toqaev jáne Palata Bıýrosynyń músheleri qabyldaǵan Qaýlyǵa sáıkes, senatorlar qaraýyna Qazaqstan Úkimeti men Dúnıejúzilik densaýlyq saqtaý uıymy arasyndaǵy Almaty qalasynda DDU-nyń medıtsınalyq-sanıtarııalyq alǵashqy kómek jónindegi geografııalyq jaǵynan qashyq ornalasqan ofısin ashý týraly kelisimdi ratıfıkatsııalaý usynylady. Depýtattar zańnamaǵa jumyldyrý daıyndyǵy men jumyldyrý máseleleri boıynsha túzetýlerdi de qaraıdy. Odan basqa, Azamattyq protsestik kodeksiniń jobasy, sondaı-aq «Qazaqstan Respýblıkasynyń keıbir zańnamalyq aktilerine azamattyq protsestik zańnamany jetildirý máseleleri boıynsha ózgerister men tolyqtyrýlar engizý týraly» ilespe zań jobasy da úshinshi oqylymda qaralady.

Odan basqa, Bıýroda Májilisten túsken tórt zań jobasyn Senattyń turaqty komıtetterine bólinip berildi. Ekonomıkalyq saıasat, ınnovatsııalyq damý jáne kásipkerlik komıteti Qazaqstan men Iran arasyndaǵy Jolaýshylar men júkterdiń halyqaralyq avtomobıl tasymaldary týraly úkimetaralyq kelisimdi, sondaı-aq 2003 jylǵy 23 jeltoqsandaǵy Qazaqstan men Qyrǵyzstan arasyndaǵy Halyqaralyq avtomobıl qatynasy týraly kelisimge ózgerister engizý týraly hattamany ratıfıkatsııalaý týraly zań jobalary boıynsha bas komıtet bolyp belgilendi. Senattyń osy komıteti «Qazaqstan Respýblıkasynyń keıbir zańnamalyq aktilerine saýda qyzmetin retteý máseleleri boıynsha ózgerister men tolyqtyrýlar engizý týraly» zań jobasyn da qolǵa alady.

Áleýmettik-mádenı damý jáne ǵylym komıteti Qazaqstan men Dúnıejúzilik densaýlyq saqtaý uıymy arasyndaǵy Almaty qalasynda DDU-nyń medıtsınalyq-sanıtarııalyq alǵashqy kómek jónindegi geografııalyq jaǵynan qashyq ornalasqan ofısin ashý týraly kelisimdi ratıfıkatsııalaý jobasy boıynsha bas komıtet bolyp belgilendi.

Bas komıtet Senattyń barlyq komıtetteriniń usynystaryn pysyqtap, osy zań jobalary boıynsha Palatanyń otyrysyna tıisti qorytyndylar ázirleıtin boldy.