Senat Azamattyq protsestik kodeks jobasyn birinshi oqylymda maquldady
ASTANA. QazAqparat - Búgin Parlament Senatynyń jalpy otyrysynda Qazaqstan Respýblıkasy Azamattyq protsestik kodeksiniń jobasy birinshi oqylymda maquldandy. Jańa redaktsııadaǵy kodeks Qazaqstannyń quqyqtyq saıasat tujyrymdamasyn iske asyrý maqsatynda jáne Memleket basshysynyń sýdıalardyń VI sezinde qoıǵan mindetterin oryndaý úshin ázirlengen.
Tutastaı alǵanda kodeks jobasy azamattyq-protsestik zańnamanyń jedeldigin arttyrýdy, sot isin júrgizýde bitimdestirý rásimderin belsendi qoldaný úshin ony jańǵyrtý arqyly jeke jáne zańdy tulǵalardyń konstıtýtsııalyq quqyqtary men bostandyqtaryn sotta tıimdi qorǵaýdy qamtamasyz etýdi kózdeıdi. Sonymen qatar, kodekstiń erejeleri azamattardyń, memlekettiń jáne zańdy tulǵalardyń buzylǵan nemese daýlanyp otyrǵan quqyqtaryn, bostandyqtaryn jáne zańdy múddelerin qorǵaýdy qarastyrady. Ondaı múddelerdi qalpyna keltirý týraly azamattyq sot isin júrgizý talaptaryn oryndaýǵa, zańdylyqty saqtaýǵa, qoǵamnyń zań men sotqa kadir-qurmetpen qaraýdy qalyptastyrýǵa baǵyttalady. Budan bólek, azamattyq protseste advokatýranyń róli kúsheıip, medıatsııa ınstıtýtyn keńinen qoldaný da kózdelip otyr. Bul rette, isterge advokattardyń qatysýymen bitistirýdiń jańa tásili retinde «daýdy partısıpatıvtik rásimmen qaraý» engizilmek. Osynyń arqasynda daýǵa qatysýshylarǵa kelissózderdi advokattardyń belsendi qatysýy arqyly ótkizý múmkindigin qamtıtyn bolady. Atap aıtqanda, jańa redaktsııadaǵy Azamattyq protsestik kodeks jobasy boıynsha isti sot talqylaýyna daıyndaý satysynda sheshiletin máseleler sheńberin keńeıtý arqyly isti daıyndaý satysyn jetildirý qarastyrylyp otyr. Bul rette isti sot talqylaýyna daıyndaý merzimi uzartylyp, sotqa qýynym aryzy qabyldanǵannan keıin sýdıa men protseske qatysýshylardyń áreketteri naqty reglamentteledi. Sonymen qatar, isti sot talqylaýyna daıyndaý barysy men birinshi satydaǵy sotta aıǵaqtardy usyný tártibi jaqsartylady. Buǵan qosa, daýlardy sotqa deıingi retteý máselesi keńeıtilip, azamattyq protsestegi taraptar ókildiginiń ınstıtýty jetildirilmek. Qujat boıynsha baıandaǵan QR Joǵarǵy sotynyń sýdıasy Ulbolsyn Súleımenovanyń aıtýnysha, kodekste negizinen isterdi sotqa deıin bitistirýge kóbirek nazar aýdarylǵan. Sonymen qatar, kodeks jobasy aıasynda ınvestıtsııalyq daýlardy sheshý boıynsha mamandandyrylǵan ınvestıtsııalyq sot qurý kózdeledi. «Bul rette Joǵarǵy sottaǵy ondaı alqada iri ınvestorlardyń qatysýymen bolǵan daýlar qarastyrylatyn bolady. Al Astana qalasyndaǵy mamandandyrylǵan sotta basqa da ınvestıtsııalyq daýlar qaralady. Bundaı sottar negizinen ınvestorlardyń qazaqstandyq ádilsot júıesine degen senim deńgeıin arttyrý jáne elimizdegi ınvestıtsııalyq klımatty jaqsartý maqsatynda júzege asady», - dedi Joǵarǵy sot sýdıasy Ulbolsyn Súleımenova.
