Senat «Aıbyn» ordenin dańqty batyrlardyń esimimen ataýǵa qatysty zańdy maquldady
ASTANA. KAZINFORM – Búgin Senattyń jalpy otyrysynda «Qazaqstan Respýblıkasynyń memlekettik nagradalary týraly» Zańyna ózgerister men tolyqtyrý engizý týraly» Zańy maquldandy.
Qazaqstan Respýblıkasy Parlamentiniń depýtattary bastamashylyq jasaǵan Zańnyń maqsat - memlekettik nagrada júıesin jetildirý, QR Prezıdenti Qasym-Jomart Toqaevtyń 2024 jylǵy
15 naýryzdaǵy «Adal adam – Adal eńbek – Adal tabys» Ulttyq quryltaıynyń úshinshi otyrysynda bergen tapsyrmasyn oryndaý.
Zańda «Aıbyn» ordeniniń ártúrli dárejelerine Saǵadat Nurmaǵambetovtiń, Baýyrjan Momyshulynyń jáne Rahymjan Qoshqarbaevtyń esimderin berý eskerilgen.
«Atap aıtqanda, I dárejeli «Aıbyn» ordenin Saǵadat Nurmaǵambetovtiń esimimen, II dárejeli «Aıbyn» ordenin Baýyrjan Momyshulynyń esimimen, III dárejeli «Aıbyn» ordenin Rahymjan Qoshqarbaevtyń esimimen ataý usynyldy», - dedi Senat depýtaty Andreı Lýkın.
Zań maquldanǵan kezde kútiletin nátıje - dańqty batyrlardyń jaýyngerlik erlikterin máńgilik este qaldyrý, sondaı-aq jalpyulttyq sanany, qazaqstandyq azamattyq biregeılikti nyǵaıtýǵa, áskerı-patrıottyq tárbıeni damytýǵa yqpal etý.
