Senat arnaýly memlekettik organdar máselelerin qamtyǵan zań jobasyn ekinshi oqylymda qabyldady
ASTANA. 11 qańtar. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine Qazaqstan Respýblıkasynyń arnaýly memlekettik organdary máseleleri boıynsha ózgerister men tolyqtyrýlar engizý týraly» zań jobasyn eki oqylymda maquldap, qujatty qabyldady.
Atalǵan zań jobasy «Qazaqstan Respýblıkasynyń arnaýly memlekettik organdary týraly» zańynda kózdelgen normalardy iske asyrýǵa baǵyttalady. Toqtala ketetin jaıt, búgingi otyrysynda Senat osy negizgi qujatty da qabyldaǵan bolatyn.
Іlespe zań jobasyna sáıkes, QR Qylmystyq is júrgizý kodeksine, Ákimshilik quqyq buzýshylyq týraly kodeksine, Eńbek kodeksine, sondaı-aq ózge de zańnamalyq aktilerge ózgerister men tolyqtyrýlar usynylady. Esterińizge sala keteıik, negizgi zań arqyly Qazaqstan Respýblıkasy arnaýly memlekettik organdardyń mártebesi men negizgi mindetteri aıqyndalady, mundaı organdarǵa qyzmetke turýmen, ony ótkerýmen jáne toqtatýmen baılanysty qoǵamdyq qatynastardy retteıdi. Sondaı-aq, qujat arnaýly memlekettik organdar qyzmetkerleriniń quqyqtyq jaǵdaıy, materıaldyq qamtamasyz etilýi jáne áleýmettik qorǵalýy aıqyndalady.
