Senat aptadaǵy otyrystyń kún tártibin bekitti
ASTANA. 4 jeltoqsan. QazAqparat - Búgin QR Parlamenti Senatynyń Bıýro otyrysy bolyp ótti. Onda palatanyń bıylǵy 6 jeltoqsanda bolatyn kezekti otyrysynyń kún tártibi bekitildi.
Bul týraly Senattyń baspasóz qyzmetinen habarlandy.
Bekitilgen kún tártibine oraı, aldaǵy otyrysta «Qazaqstan Respýblıkasynyń Úkimeti men Ázirbaıjan Respýblıkasynyń Úkimeti arasyndaǵy dıplomatııalyq ókildikterdiń ǵımarattaryn salý úshin jer ýchaskelerin ózara berý týraly kelisimdi ratıfıkatsııalaý týraly» zań jobasy qaralatyn boldy. Sondaı-aq zańnamaǵa terrorızmge qarsy is-qımyl máseleleri boıynsha ózgerister engizýdi kózdeıtin zań jobasy birinshi oqylymda, salyq salý, áleýmettik mańyzy bar memlekettik qyzmetterdi ońtaılandyrý jáne avtomattandyrý máseleleri boıynsha ózgerister men tolyqtyrýlar engizý týraly zań jobalary ekinshi oqylymda talqylanatyn bolady.
