Senat akvasharýashylyqqa qatysty zańdy Májiliske qaıtardy
ASTANA. KAZINFORM – Búgin Senattyń jalpy otyrysynda Akvasharýashylyq týraly» Zańy qaraldy. Senat qujattyń jekelegen baptaryn jańa redaktsııada usynyp, ony Májiliske qaıtardy.
Atalǵan zań jańa óndiristerdi qurý jáne jumys istep turǵandaryn keńeıtý, básekege qabiletti akvasharýashylyq obektilerin ulǵaıtý ári olardyń adam ómiri men densaýlyǵyna, sondaı-aq qorshaǵan ortaǵa qaýipsiz bolýyn qamtamasyz etý jolymen akvasharýashylyqty ornyqty damytý maqsatynda ázirlendi. Zańda birqatar jańa uǵym paıda boldy, memlekettik organdardyń quzyretteri naqtylanyp, ókilettikter berildi.
- Budan basqa, zańda akvasharýashylyq salasynda qyzmetti júzege asyrýdyń negizgi sharttary reglamentteledi. Máselen, akvasharýashylyq sýbektileri qyzmetiniń túrleri, balyq sharýashylyǵy sý aıdynyn nemese ýchaskesin konkýrstyq jáne konkýrstan tys negizde bekitý tártibi, toǵandy, ındýstrııalyq jáne ósimin molaıtý sharýashylyǵy qyzmetin júzege asyrýǵa qoıylatyn talaptar naqtylandy. Sonymen qatar, akvasharýashylyq sýbektileri úshin akvasharýashylyq salasyndaǵy bıologııalyq negizdemeni ázirleý jáne olardy damytý josparyn bekitý boıynsha mindettemeler engizildi. Akvasharýashylyqty memlekettik yntalandyrý jónindegi normalar kózdelgen. Máselen, akvasharýashylyqty sýbsıdııalaý akvasharýashylyq óniminiń ónimdiligi men sapasyn arttyrý jáne asyl tuqymdy balyq sharýashylyǵyn damytý, ınvestıtsııalyq salymdar kezinde shyǵystardyń bir bóligin óteý, sý berý jónindegi qyzmetterdiń qunyn sýbsıdııalaý, kredıt berý kezinde syıaqy mólsherlemelerin sýbsıdııalaý sııaqty baǵyttar boıynsha júzege asyrylady, - dedi senator Sultan Dúısembınov.
«Akvasharýashylyq týraly» Zańdy talqylaý barysynda Senat komıtetteriniń eskertýleri jarııalandy.
Osy oraıda Májilis qabyldaǵan zańǵa:
- bekitip berilgen balyq sharýashylyǵy sý aıdyndarynda jáne ýchaskelerinde tek Qazaqstan Respýblıkasynyń zańdarymen ǵana tyıym salýlar belgileý;
- akvasharýashylyq sýbektileri josyqsyz akvasharýashylyq sýbektileriniń tizilimine engiziletin negizderdi naqtylaý;
- tabıǵı resýrstardy paıdalanǵany úshin aqy tóleýge baılanysty normalardy Salyq kodeksine sáıkes keltirý bóliginde ózgerister engizý qajettiligi týyndady.
- Senattyń Agrarlyq máseleler, tabıǵatty paıdalaný jáne aýyldyq aýmaqtardy damytý komıteti Qazaqstan Respýblıkasy Konstıtýtsııasy 61-babynyń 4-tarmaǵyna sáıkes, «Akvasharýashylyq týraly» Zańynyń jekelegen baptaryn maquldamaýdy jáne kórsetilgen baptardyń jańa redaktsııasyn usyna otyryp, ony Májiliske qaıtarýdy usynady, - dedi senator.
Palata depýtattary daýys berý barysynda atalǵan usynysty qoldady.
Eske salsaq, Qazaqstanda óndiriletin balyq ónimi álemniń 21 eline eksporttalady.