Senat aqshany jylystatýmen kúreske qatysty qujatty maquldady

ASTANA. KAZINFORM – Búgin Senattyń jalpy otyrysynda qylmystyq kiristi zańdastyrý men lańkestikti qarjylandyrýǵa qarsy áreket jónindegi qujat qaraldy.

Сенат
Фото: ҚР Парламенті Сенатының баспасөз қызметі

Talqylaýdan keıin palata depýtattary «Qylmystyq jolmen alynǵan kiristerdi zańdastyrýǵa jáne terrorızmdi qarjylandyrýǵa qarsy is-qımyl jónindegi Eýrazııalyq top týraly kelisimge jáne Qylmystyq jolmen alynǵan kiristerdi zańdastyrýǵa jáne terrorızmdi qarjylandyrýǵa qarsy is-qımyl jónindegi Eýrazııalyq toptyń bıýdjetin qalyptastyrý jáne atqarý tártibi týraly erejege ózgerister engizý týraly hattamany ratıfıkatsııalaý týraly» Zańdy maquldady.

- Negizgi ózgerister kelesi baǵyttarǵa qatysty. Birinshiden, 2012 jyly FATF (Aqshany jylystatýǵa qarsy kúrestiń qarjylyq sharalaryn ázirleý toby) usynymdary aýqymdy túrde qaıta qaralyp, mandaty keńeıtildi. Nátıjesinde jappaı qyryp-joıý qarýyn taratýdy qarjylandyrýǵa qarsy is-qımyl máseleleri qosyldy. Ekinshiden, Hattamada «erikti jarna», «nysanaly erikti jarna», «ózge túsimder», «nysanaly qor» degen uǵymdyq apparat anyqtamalarymen tolyqtyryldy. Osylaısha, Eýrazııalyq toptyń bıýdjetin qalyptastyrý kózderi kúsheıtildi, sondaı-aq, basqa da tehnıkalyq túzetýler engizildi, - dedi senator Bekbolat Orynbekov.

Onyń aıtýynsha, topqa múshe 9 memlekettiń 7-eýi Hattamany ratıfıkatsııalady. Al, Qazaqstan men Qytaı bul qujatty ratıfıkatsııalaý boıynsha ishki memlekettik rásimderin júrgizip jatyr. Qujatty ratıfıkatsııalaý, ulttyq zańnamany jappaı qyryp-joıý qarýyn taratýdy qarjylandyrýǵa qarsy is-qımyldy qosa alǵanda, FATF-tyń jańartylǵan standarttaryna sáıkes keltirýge, rásimder men termınologııany birizdendirý esebinen qarjylyq monıtorıng júıesin ońtaılandyrýǵa, sondaı-aq Eýrazııalyq top aıasyndaǵy halyqaralyq yntymaqtastyqty nyǵaıtýǵa múmkindik beredi.

- Sonymen qatar, Hattamadaǵy túzetýler Eýrazııalyq top maqsattary men mindetterin, úlestik jarnalardy tóleýdiń parametrleri men merzimderin naqtylaýǵa, qosymsha jumys formattaryn qurýdy reglamentteýge jáne qazirgi bar kemshilikterdi joıýǵa baǵyttalǵan. Zańnyń qabyldanýy teris áleýmettik-ekonomıkalyq jáne quqyqtyq saldarǵa ákep soqpaıdy, respýblıkalyq bıýdjetten qosymsha qarjy shyǵyndaryn talap etpeıdi, - dedi depýtat.

Eske salsaq, Parlament Májilisi bul zańdy bıyl aqpan aıynda qabyldaǵan edi.

 

Сейчас читают