Senat Ákimshilik quqyq buzýshylyq týraly kodekske ózgerister engizilgen zańdy qabyldady
ASTANA. QazAqparat - Búgin Parlament Senatynyń jalpy otyrysynda «Qazaqstan Respýblıkasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly» QR zańy qabyldandy. Atalǵan qujatqa Májilistiń birqatar depýtattary bastama jasaǵan bolatyn.
«Barshamyzǵa belgili, 2015 jyldyń 1 qańtarynan jańa redaktsııadaǵy Ákimshilik quqyq buzýshylyq týraly kodeksi kúshine enedi. Bul qujatqa Elbasy 2014 jyldyń 5 shildesinde qol qoıǵan bolatyn. Al aǵymdaǵy jyldyń sáýir aıynan búgingi kúnge deıin Parlament zańnamalyq aktiler qabyldap, olar 2011 jyldan bergi qoldanysta bolǵan Ákimshilik kodekske birqatar ózgerister men tolyqtyrýlar engizildi. Osyǵan oraı, Ákimshilik quqyq buzýshylyq týraly kodeks qabyldanǵan kezde Parlamentte qaralyp jatqan el zańdarymen osy kodekstiń erejeleri sáıkestendiriledi», - dedi Májilis depýtaty Arman Qojahmetov.
Onyń aıtýynsha, qujattyń qabyldanýy azamattardyń quqyqtary men bostandyqtaryn, qoǵam men memleket múddesiniń ákimshilik quqyq buzýshylyqtardan tıimdi qorǵaýdy qamtamasyz etedi, quqyq buzýshylyqtardyń aldyn alýdyń tıimdiligin arttyrady.
Parlament qabyldaǵan zań Memleket basshysynyń qol qoıýyna joldanady.
