Senat Adam quqyqtary jónindegi ýákil týraly zań jobasyn qaraıdy
Senattyń 20 jeltoqsandaǵy otyrysynyń kún tártibine birqatar zań jobalaryn qaraýǵa engizý týraly sheshim qabyldandy.
Atap aıtqanda, depýtattar bastamasy boıynsha ázirgengen «Qazaqstan Respýblıkasyndaǵy Adam quqyqtary jónindegi ýákil týraly» zań jobasy bar. Ol Adam quqyqtary jónindegi ýákildiń quqyqtyq mártebesi men onyń qyzmetiniń uıymdastyrý negizderin derbes zańnamalyq aktide bekitýge múmkindik beredi. Sondaı-aq onyń óńirlik ókilderi qurylatyn bolady, Ombýdsmenniń memlekettik organdarmen, qoǵamdyq jáne halyqaralyq uıymdarmen ózara is-qımyly retteledi.
Senatorlar sonymen qatar qujatqa ilespe úsh zań jobasyn qaraıdy. Olar «Qazaqstan Respýblıkasynyń keıbir zańnamalyq aktilerine Qazaqstan Respýblıkasyndaǵy Adam quqyqtary jónindegi ýákil qyzmetiniń máseleleri boıynsha ózgerister men tolyqtyrýlar engizý týraly», «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksine (Salyq kodeksi) Qazaqstan Respýblıkasyndaǵy Adam quqyqtary jónindegi ýákil qyzmetiniń máseleleri boıynsha tolyqtyrý engizý týraly» jáne «Qazaqstan Respýblıkasynyń Ákimshilik quqyq buzýshylyq týraly kodeksine Qazaqstan Respýblıkasyndaǵy Adam quqyqtary jónindegi ýákil qyzmetiniń máseleleri boıynsha ózgerister men tolyqtyrýlar engizý týraly» bolyp otyr.
20 jeltoqsanda ótetin Senat otyrysynyń kún tártibine «Ónerkásiptik saıasat týraly» jáne «Qazaqstan Respýblıkasynyń keıbir zańnamalyq aktilerine ónerkásiptik saıasat máseleleri boıynsha ózgerister men tolyqtyrýlar engizý týraly» zań jobalary da engizildi.
Olar ónerkásiptik-ınnovatsııalyq jobalardy qarjylandyrýdy, óńdeýshi ónerkásiptegi otandyq taýarlar men kórsetiletin qyzmetteriniń eksportyn damytý men ilgeriletýdi jáne jalpy alǵanda eńbek ónimdiligin arttyrýdy yntalandyrýdy qosa alǵanda, ónerkásipti memlekettik yntalandyrýdyń birqatar mańyzdy sharalaryn belgileýge baǵyttalǵan.
Sondaı-aq, «Qazaqstan Respýblıkasynyń keıbir zańnamalyq aktilerine quqyq qorǵaý organdary, prokýratýra jáne sot arasynda ókilettikterdiń jáne jaýapkershilik aıasynyń arajigin ajyrata otyryp, úsh býyndy modeldi endirý máseleleri boıynsha ózgerister men tolyqtyrýlar engizý týraly» zań jobasy qaralatyn bolady.
23 jeltoqsandaǵy Senat otyrysynyń kún tártibine taǵy segiz zań jobasy engizildi.
Ipotekalyq qaryz alýshylardyń quqyqtaryn kúsheıtýge, múlikti baǵalaý men satýdyń ashyqtyǵy men obektıvtiligin arttyrýǵa baǵyttalǵan «Qazaqstan Respýblıkasynyń keıbir zańnamalyq aktilerine memlekettik basqarý, ekinshi deńgeıdegi bankterdiń kepildik saıasatyn, baǵalaý qyzmetin retteýdi jáne atqarýshylyq is júrgizýdi jetildirý máseleleri boıynsha ózgerister men tolyqtyrýlar engizý týraly» zań jobasy.
Sondaı-aq senatorlar «Qazaqstan Respýblıkasynyń keıbir zańnamalyq aktilerine básekelestikti damytý máseleleri boıynsha ózgerister men tolyqtyrýlar engizý týraly» zań jobasyn qaraıdy. Onyń negizgi baǵyttary kásipkerlikke memlekettiń qatysýyn qysqartý, kásipkerlik sýbektileriniń memlekettik qoldaý sharalaryna jáne memlekettik organdardyń satyp alýlaryna teń qol jetkizýin qamtamasyz etý bolyp tabylady.
Budan basqa, Senat otyrysynyń kún tártibine «Janýarlarǵa jaýapkershilikpen qaraý týraly» zań jobalary jáne oǵan ilespe «Qazaqstan Respýblıkasynyń keıbir zańnamalyq aktilerine janýarlarǵa jaýapkershilikpen qaraý máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń Ákimshilik quqyq buzýshylyq týraly kodeksine janýarlarǵa jaýapkershilikpen qaraý máseleleri boıynsha ózgerister men tolyqtyrýlar engizý týraly» eki zań jobasy engizildi. Olar janýarlardy ustaý kezinde jalpy jáne arnaıy talaptardy ornatýdy jáne olardy qatygezdikten, azap pen ólimnen qorǵaýdy qarastyrady.
Senatorlar «Qazaqstan Respýblıkasynyń keıbir zańnamalyq aktilerine ólim jazasyn joıý máselesi boıynsha ózgerister men tolyqtyrý engizý týraly», «Qazaqstan Respýblıkasynyń keıbir zańnamalyq aktilerine saýda qyzmeti, bırjalyq saýdany damytý jáne derbes derekterdi qorǵaý máseleleri boıynsha ózgerister men tolyqtyrýlar engizý týraly» zań jobalaryn qaraıdy, jáne «Qazaqstan Respýblıkasynyń keıbir zańnamalyq aktilerine kásipkerlik qyzmet salasynda jańa retteýshilik saıasatty endirý jáne Qazaqstan Respýblıkasy ishki ister organdarynyń jekelegen fýnktsııalaryn qaıta bólý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń zańdaryn basshylyqqa alady.
Budan basqa, Bıýro otyrysynda Senattyń turaqty komıtetteri arasynda odan ári jumys júrgizý úshin zań jobalary bólindi.
