Senat «2015-2017 jyldarǵa arnalǵan respýblıkalyq bıýdjet týraly» Zańdy qabyldady

Aıta keteıik, búgingi Senattyń jalpy otyrysynda zań jobasyn QR Ulttyq ekonomıka mınıstri Erbolat Dosaev tanystyrǵan bolatyn. Onyń aıtýynsha, makroekonomıkalyq kórsetkishterdiń naqtylanǵan boljamy 2014 jylǵy ekonomıkanyń ár salasynyń damý kórsetkishterin jáne negizgi eksporttyq taýarlardyń qazirgi álemdik taýar naryǵyndaǵy baǵasyn eskere otyryp qurastyrylǵan. Mınıstr atap ótkendeı, 2014 jyly Qazaqstan ekonomıkasy álemdik naryqtaǵy edáýir ózgerister men jahandaǵy geosaıası turaqsyzdyq jaǵdaıynda damý qarqynyn joǵaltpady. Máselen, 2014 jyly munaı men temir rýdasynyń álemdik baǵasy 2 ese tómendedi. Osyǵan qaramastan, aldyn ala baǵalaý boıynsha, Qazaqstan ekonomıkasy 4,3%-ǵa ósti.

Sonymen qatar, respýblıkalyq bıýdjettiń 2015 jyldarǵa arnalǵan shyǵyny 7 244,5 mıllıard teńge kóleminde belgilenip otyr.

Munaı baǵasynyń barreline 30 AQSh dollary bolǵandaǵy Qazaqstan ekonomıkasynyń damý boljamdary jasaldy. Negizgi stsenarıı 2015-2017 jyldar aralyǵynda munaı baǵasynyń barreline 80 AQSh dollarynan 50 AQSh dollaryna deıin tómendeýin, al 2018-2019 jyldarda 60 AQSh dollary shamasynda bolatynyn boljaıdy. Degenmen, bul jyldarda munaı óndirý kólemi azaıtylmaıdy.

Mınıstr atap ótkendeı, 2015 jyly Qazaqstanda jan basyna shaqqandaǵy JІÓ 12,8 myń AQSh dollaryna deıin ósedi. JІÓ ósimi 1,5% bolady. Buǵan qosa, ınflıatsııa deńgeıi burynǵydaı 6-8% dálizinde saqtalady.