Sen jalǵyz emessiń: Almatyda múgedek balalarǵa arnalǵan aktsııa ótti
NUR-SULTAN. QazAqparat – 1 maýsym – Halyqaralyq balalardy qorǵaý kúninde Almatyda múmkindigi shekteýli balalarǵa arnalǵan meıirim aktsııasy ótti, dep habarlaıdy QazAqparat.
Bul shara múgedektigi bar balalar men tárbıelep otyrǵan ata-analardy qoldaýǵa baǵyttalǵan. Ony «ITeachMe» biliktilikti damytý ortalyǵy» men Ortalyq Azııanyń Eýrazııa qory uıymdastyryp, Jetisý aýdanynyń ákimi M. Qıkymov qoldaý kórsetken.
«Sizdiń úıińizge ertegi keıipkeri sońǵy ret qashan kelip edi? Jańa jylda shyǵar. Bul dástúrdi ózgertý bizdiń qolymyzda. Sondyqtan, biz ertegilerdiń sıqyrly keıipkerlerimen, syılyqtar men shar alyp, erekshe ekıpajdy daıyndadyq. Biz múgedek balalardy tárbıelep otyrǵan 30 otbasyǵa baryp, pozıtıvti energııamyzben bólistik. Bizdiń oıymyz – ár balany ǵajaıypqa sendirý», - deıdi «ITeachMe» biliktilikti damytý ortalyǵynyń dırektory Zahıra Begalıeva.
Ortalyqtyń habarlaýynsha, 12 jasar Rafaıl sýret salǵandy, qurastyrǵandy jaqsy kóredi. Mýzykalyq aspaptarǵa da jany jaqyn. Keńestik mýltfılmderdi jınaýdy unatady. Bóreneden salynǵan úıde turýdy armandaıdy.
Al 5 jasar Rýslan sóılemeıdi. Ol júzýmen, ıppoterapııamen aınalysady. Eki jylda júzýdi ıgerip aldy, nátıjesi jaman emes. Anasy aıtqan ertegilerdi tyńdap, kitap oqyp bergenin jaqsy kóredi.
«Qazir bárimiz qıyn kezeńdi bastan ótkerip jatyrmyz, ár adam úshin úıde oqshaýlaný – kúsh pen tózim synaǵyna aınaldy. Biraq kóptegen múgedektigi bar adamdar úshin «oqshaýlaný kezeńi» ómir boıy ótedi. Shynynda da, olardyń qoǵamnyń teń quqyqty múshesi bolýy qıynǵa soǵady. Turǵyn úılerdiń kireberisteri, baspaldaqtar men satylar kedergi keltiredi. Biraq osyndaı synaqtarǵa qaramastan, balalar ózderiniń taza janyna, ertegilerge, ǵajaıyptarǵa jáne jaqsy adamdarǵa senedi», - deıdi 11 jastaǵy Shýhrat ıÝsýpovtyń anasy Almıra ıÝsýpova.
