Semsermen qarýlanǵan er adam Taıvan prezıdentiniń saraıyna kirmek boldy
ASTANA. QazAqparat - Taıvanda Samýraı semserimen qarýlanǵan er adam prezıdent saraıyna kirmek boldy. Bul týraly Reuters habarlady.
Onyń jolyn bógemek bolǵan polıtseı ıyǵyna jaraqat alǵanyna qaramastan, qaskóıdi qarýsyzdandyrdy. Qazir jaraqat alǵan tártip saqshysy aýrýhanada jatyr, jaǵdaıy turaqty.
Shabýyl jasaǵan adam ustaldy, odan jaýap alynýda. Ony bul áreketke ne ıtermelegeni ázirge belgisiz. Tek onyń semserdi urlap alǵandyǵy anyqtaldy. Shabýyl kezinde prezıdenttiń saraıda bolǵan ne bolmaǵany da beımálim. Qazir Qytaı respýblıkasynyń prezıdenti Demokratııalyq progresshil partııanyń ókili Tsaı Inven. Ol araldyń azattyǵy men Taıvandy respýblıka retinde jarııalaýdy jaqtaýshylardyń qatarynda. QHR-men jaqyndasý saıasatyna qarsy jáne bir jynysty nekeniń zańdastyrylýyn qoldaıdy.
