Semserlesýden ÁCh: El qorjynyna tarıhı júlde tústi
ASTANA. KAZINFORM – Rıo-de-Janeıro qalasynda (Brazılııa) qalasynda semserlesýden jasóspirimder men kadetter arasynda álem chempıonaty bastaldy.
Jarystyń alǵashqy kúni Qazaqstan quramasy júldege qol jetkizdi. Qazaqstandyq Nurmuhammed Jaılybaı qylyshtasýdan qola medalǵa ıe boldy.
Otandasymyz jartylaı fınalǵa deıin jetip, sheshýshi kezeńde Túrkııa ókili Fýrkan ıAmanǵa 13:15 esebimen jol berdi. Osylaısha, Jaılybaı týrnırdi úshinshi orynmen aıaqtady.
QR UOK málimetinshe, jarys barysynda ol Majarstan sportshysy Danıel Berkeshıdi (15:6), japonııalyq Motokı Kavaharany (15:7), reseılik ıAroslav Borısovty (15:14) jáne AQSh ókili Emılıo Patýrzony (15:13) jeńdi.
Aıta keteıik, taǵy bir qola júldeni mysyrlyq Ahmed Hesham ıelendi. Ol jartylaı fınalda amerıkalyq Ýılıam Morılýdan jeńildi. Fýrkan ıAman (Túrkııa) jarys jeńimpazy atandy.
Aıta keteıik, bul – jasóspirimder arasyndaǵy álem birinshiliginde jekeleı synda alǵan Qazaqstannyń alǵashqy medali.
Eske salaıyq, Qazaqstan quramasy kórkem gımnastıkadan Frantsııanyń Te qalasynda ótetin Gran-prı serııasynyń úshinshi kezeńine qatysady.
