Semserlesýshi Kırıll Prohodov álem chempıonatynyń kelesi kezeńine ótti
ASTANA. KAZINFORM — Gonkongta ótip jatqan semserlesýden álem chempıonatynda erler arasyndaǵy sapy saıysynda júldeler úshin tartys jalǵasyp jatyr.
Úzdik 16 sportshynyń qataryna ótý úshin Qazaqstan quramasynyń eki ókili – Rýslan Qurbanov pen Kırıll Prohodov synǵa tústi.
Kırıll Prohodov tartysty ótken kezdesýde Danııa ókili Konrad Konstadty 15:9 esebimen jeńdi.
Rýslan Qurbanov 1/16 fınalda Hanchjoýdaǵy 2023 jylǵy Azııa oıyndarynyń komandalyq saıystan chempıony, Álem kýbogynyń birneshe dúrkin júldegeri japonııalyq Rıý Matsýmotoǵa qarsylas atandy. Ókinishke qaraı, Qurbanov qosymsha mınýtta nebári bir ǵana soqqy aıyrmasymen 9:10 esebimen ese jiberdi.
Qazaqstan ýaqytymen saǵat 12:05-te Kırıll Prohodov álem chempıonatynyń úzdik segiz sportshysynyń qataryna joldama alý úshin baq synaıdy.
Aıta ketelik Qazaqstandyq semserlesýshiler álem chempıonatynda úzdik 32 sportshynyń qataryna engen edi.
