Semserlesýshi arýlarymyz álem chempıonatyndaǵy jekeleı jarysty aıaqtady
ASTANA. KAZINFORM — Gonkongta ótip jatqan semserlesýden álem chempıonatynda áıelder arasyndaǵy jekeleı sapy saıysynyń pleı-off kezeńi ótti.
Úzdik 32 sportshynyń qataryna ený úshin Qazaqstan atynan Azııanyń qazirgi chempıony Irına Bakaldına men Sofııa Nıkolaıchýk baq synady.
Bakaldına tartysty ótken kezdesýde ýkraınalyq Emılı Konradqa nebári bir upaı aıyrmasymen 14:15 esebimen jol berdi. Al Nıkolaıchýk kanadalyq Djýlııa Inmen kezdesip, 10:15 esebimen ese jiberdi.
Erteń jekeleı syndaǵy medal úshin kúresti Rýslan Kýrbanov, Erlik Sertaı, Kırıll Prohodov, Vadım Sharlaımov, sondaı-aq qylysh saıysynan Karına Dospaı, Aıgerim Sarybaı jáne Anastasııa Gýlık jalǵastyrady.
Aıta ketelik Artem Matýsevıch akademııalyq eskek esýden U23 álem chempıonatynyń fınalyna shyqqan edi.
