Semserlesýden Qazaqstan kýbogy: komandalyq syndaǵy jeńimpazdar anyqtaldy
NUR-SULTAN. QazAqparat - Almatyda ótip jatqan semserlesýden Qazaqstan kýbogynda semserden jekeleı jáne komandalyq syndaǵy jeńimpazdar anyqtaldy, dep habarlaıdy Olympic.kz.
Áıelder arasynda Túrkistan oblysynyń ókili Tatıana Prıhodko top jardy. Ol fınalda Anastasııa Gýlıkten (Qaraǵandy oblysy) basym túsken. Úshinshi orynda Áıgerim Sarybaı (Almaty) jáne Elızaveta Smırnova (Almaty).
Erler arasyndaǵy komandalyq básekede Almaty-1 komandasy jeńiske jetse, ekinshi oryndy Qaraǵandy oblysy ıelendi. Úshinshi satyda Almaty-2 jáne Almaty-3 komandalary ornalasqan.
Áıelder arasyndaǵy komandalyq synda Almaty qalasynyń komandasy birinshi oryn ıelendi. Ekinshi orynda Qaraǵandy oblysy, úshinshi orynda Túrkistan oblysy men Almaty-2 komandalary.
Aıta ketelik, erler arasyndaǵy jekeleı synda Baqdáýlet Quralbekuly altyn júldeger atanǵan bolatyn.
