Semserlesýden Qazaqstan erler komandasy álem kýbogynyń jartylaı fınalyna shyqty
ASTANA. KAZINFORM — Astana qalasynda alǵash ret ótip jatqan semserlesýden álem kýbogynda komandalyq saıys ótip jatyr, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Qazaqstan erler komandasy alǵashqy kezdesýinde Polshany (42-41), al shırek fınalda AQSh quramasyn 45-40 esebimen jeńdi.
Endi birazdan soń Qazaqstan men Frantsııa fınalǵa beriler joldamany sarapqa salady.
Ekinshi jartylaı fınalda Italııa men Japonııa synǵa túsedi.
Aıta keteıik, búgin álem kýbogynyń sheshýshi kúni. Jarysty Qazsport telearnasy tikeleı efırde kórsetip jatyr.
Budan buryn semserlesýden Astanadaǵy álem kýbogynda el qorjynyna alǵashqy júlde túskeni anyqtaldy.
