Semserlesýden Qazaqstan erler komandasy álem chempıonatynyń fınalyna shyǵyp, tarıhı nátıje tirkedi
ASTANA.KAZINFORM – Gonkong qalasynda ótip jatqan semserlesýden eresekter arasyndaǵy álem chempıonatynda erler arasyndaǵy komandalyq týrnırdiń fınalısteri anyqtaldy, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Sanaýly sətter buryn Qazaqstan komandasy (Rýslan Kýrbanov, Erlik Sertaı, Kırıll Prohodov, Vadım Sharlaımov) jartylaı fınalda Mysyrmen kúsh synasyp, tartysty ótken aıqasta basym túsip, tarıhı nátıje kórsetti. Esep: 41-32.
Bul Qazaqstan erler komandasy úshin álem chempıonatynyń alǵashqy fınaly. Osyǵan deıingi úzdik kórsetkish - byltyrǵy qola medal.
Eske sala keteıik, Qazaqstan bir jyl buryn Grýzııa astanasynda ótken álem chempıonatynda álemdik deńgeıdegi kóshbasshy Frantsııany utyp, tarıhı qola júldege qol jetkizgen.
Qazaqstan komandasynyń búgingi jekpe-jekter nátıjesi:
Shırek fınal: Qazaqstan - Danııa 45:36
1/8 aınalym: Qazaqstan - Ózbekstan 28:27
1/16 aınalym: Qazaqstan - Fınlıandııa 45:39
Jartylaı fınaldyń kelesi jubynda Ýkraına men Izraıl kim myqtyny anyqtap jatyr. Qazir semserlesýden erler Ulttyq quramasy álem reıtınginde 5-orynda tur.
Osyǵan deıin semserlesýden Qazaqstan erler komandasy álem chempıonatynyń jartylaı fınalyna shyqqany týraly jazdyq.
