Semserlesýden Qazaqstan chempıonatynyń alǵashqy jeńimpazdary anyqtaldy
ALMATY. QazAqparat – Semserlesýden jasóspirimder men kadetter arasyndaǵy Qazaqstan chempıonatynyń alǵashqy jeńimpazdary anyqtaldy, dep habarlaıdy QazAqparat Olympic.kz silteme jasap.
21 qańtarda Almatydaǵy respýblıkalyq sport kolledjinde semserlesýden jasóspirimder men kadetter arasyndaǵy Qazaqstan chempıonaty bastalǵan bolatyn.
Alǵashqy jarys kúniniń jeńimpazdary men júldegerleri belgili boldy.
Aıta ketelik, alǵashqy úsh kúnde sportshylar semserden el úzdikterin anyqtaıdy.
Semser, jasóspirim uldar:
1. Serjan Mádı (Almaty)
2. Janat Nábıev (Almaty)
3. Dáýren Maqulbek (Shymkent), Qaınazar Nurhatuly (Almaty).
Semser, kadet qyzdar:
1. Ádemi Serikbaı (Shymkent)
2. Polına Ko (Qaraǵandy oblysy)
3. Kamılla Myrzahmetova (Nur-Sultan), Tatıana Zaıtseva (Almaty).
