Semserlesýden Azııa chempıonatynda qazaqstandyqtar júldeger atandy
ASTANA. QazAqparat - Taılandtyń Bangkok qalasynda ótip jatqan semserlesýden Azııa chempıonatynda Qazaqstan áıelder quramasy qola medal jeńip aldy, dep habarlaıdy QazAqparat tilshisi.
QR UOK-niń taratqan málimetterine súıensek, Tamara Pochekýtova, Aıgerim Sarybaı, Aıbıke Habıbýllına jáne Tatıana Prıhodkodan quralǵan Qazaqstan áıelder quramasy atalǵan týrnırdiń shırek fınalynda álem birinshiliginiń qola júldegeri japon qyzdaryn utty. Alaıda, jartylaı fınalda qyzdarymyz álem kýbogy kezeńderinde júldeger atanyp júrgen Qytaıdan utylyp qaldy. Sonymen, úshinshi oryn úshin talasta Qazaqstan quramasy Gonkong quramasyn jeńip, qola júldeni qanjyǵalaryna baılady.
Aıta keteıik, osyǵan deıin shpagashy Dmıtrıı Aleksanın kúmis júlde jeńip alǵan edi.
