Semserlesýden Azııa chempıonatynda el qorjynyna ekinshi kúmis júlde tústi
ASTANA. QazAqparat - Taılandtyń Bangkok qalasynda ótip jatqan semserlesýden Azııa chempıonatynda qazaqstandyq shpagashylar kúmis júldege qol jetkizdi, dep habarlaıdy QazAqparat tilshisi.
UOK-baspasóz qyzmeti taratqan málimetke súıensek, Dmıtrıı Aleksanın, Elmır Alımjanov, Rýslan Kýrbanov jáne Vadım Sharlaımovtan turatyn bizdiń qurama alǵashqy aınalymda Taılandty 45:25 esebimen utsa, ekinshi kezeńde Gonkong quramasyn 45:41 esebimen jeńdi.
Al jartylaı fınaldyq básekede álemdik reıtıngte birinshi orynda turǵan Ońtústik Koreıa quramasyn 45:39 esebimen tize búktirdi.
Ókinishke qaraı, altyn úshin aıqasta Qazaqstan quramasy qytaılyqtardan bir upaı aıyrmasymen, 45:44 esebimen utylyp qaldy. Osylaısha, el qorjynyna Azııa chempıonatynyń taǵy bir júldesi tústi.
Eske sala keteıik, osyǵan deıin Dmıtrıı Aleksanın shpagadan kúmis júlde ıelense, sablıashy qyzdar chempıonattyń qola medaline qol jetkizgeni týraly jazǵan bolatynbyz.
