Semserlesýden Azııa chempıonatyna baratyn Qazaqstan quramasy anyqtaldy

ASTANA. KAZINFORM - Indonezııanyń Balı aralynda semserlesýden ótetin Azııa chempıonatyna baratyn Qazaqstan quramasy belgili boldy.

Qazaqstandyq sportshylar erler jáne áıelder arasynda qylyshpen, shpaga jáne rapıramen synǵa túsedi.

Erler arasyndaǵy qylyshpen Baqdáýlet Quralbekuly, Nazarbaı Sattarhan, Artem Sarkısıan, Janat Nábıev el namysyn qorǵasa, áıelder arasynda atalǵan saıysta Aıgerim Sarybaı, Karına Dospaı, Anastasııa Gýlık, Tatıana Prıhodkoǵa senim artamyz.

Al erler arasyndaǵy shpagada Elmır Alımjanov, Rýslan Kýrbanov, Erlik Sertaı, Vadım Sharlaımov, Kırıll Prohodov jarysqa shyqsa, áıelderde Sofııa Nıkolaıchýk, Vladıslava Andreeva, Vıktorııa Qaıdarova, Karolına Fomına júldeni sarapqa salady.

Sondaı-aq rapırada erler men áıelder arasynda Ǵalym Nurymov, Tımofeı Semenov, Temirlan Qalıev, Sofııa Aqtaeva, Kúljan Túsipbekova jáne Alena Gnoeva sııaqty sportshylar baq synaıdy.

Mamandar qurlyqtyq dodada qazaqstandyqtarǵa basty qarsylas retinde Japonııa, Gonkong, Ońtústik Koreıa, Ózbekstan, Qytaı, Saýd Arabııasy, Vetnam, Fılıppın sportshylaryn atap otyr.

Eske salsaq, budan buryn Qazaqstan erler quramasy semser qarýymen aıqasýdan Sen-Mor (Frantsııa) qalasynda ótetin álem kýbogynyń kezekti kezeńine qatysty.