Semserlesýden Azııa chempıonaty: Rýslan Kýrbanov jartylaı fınalǵa joldama aldy
ASTANA. KAZINFORM — Úndistan astanasy Delıde ótip jatqan semserlesýden Azııa chempıonatynda Qazaqstan komandasynyń sportshysy Rýslan Kýrbanov jartylaı fınalǵa shyqty, dep habarlaıdy Sportty damytý dırektsııasynyń baspasóz qyzmeti.
Ol shırek fınalda qytaılyq qarsylasyn 15:6 esebimen aıqyn basymdyqpen jeńdi. Endi birazdan soń Rýslan taıpeılik Rang Lımen sheberlik baıqasady.
Kýbanovtyń jartylaı fınalǵa deıingi joly:
1/32 aınalym: Rýslan Kýrbanov — Álı Namazı 15:9
1/16 aınalym: Rýslan Kýrbanov — Djıan Sıto 15:13
1/8 aınalym: Rýslan Kýrbanov — Іlim Baqytbekuly 15:7
Shırek fınal: Rýslan Kýrbanov — ıÝhan Hý 15:6
Ókinishke qaraı, ózge sportshylarymyz jartylaı fınalǵa shyǵa almady.
Kırıll Prohodov shırek fınalǵa deıin jetse, Erlik Sertaı 1/8 kezeńde jarys jolynan shyqty.
Al Nıkıta Jýlınskıı 1/8 aınalymda óz komandalasy Prohodovqa ese jiberdi.
Áıelder arasyndaǵy básekede eń úzdik nátıjeni Anastasııa Gýlık kórsetti. Ol shırek fınalda japondyq sportshyǵa ese jiberdi. Áıgerim Sarybaı 1/8 kezeńge deıin jetse, Karına Dospaı men Qaısha Janybek 1/16 fınalda jarysty aıaqtady.
Osydan buryn Rýslan Qurbanov Astanadaǵy semserlesýden álem kýbogynyń fınalynda baq synaıtynyn jazdyq.
