Semserlesýden alǵash ret álem chempıony atanǵan Qazaqstan erler quramasy elge oraldy
ASTANA. KAZINFORM – Búgin Almaty qalasy halyqaralyq áýejaıyna Qytaıdan semserlesýden elimizdiń tarıhyndaǵy tuńǵysh álem chempıondary men Qazaqstan komandasynyń bapkerler quramy mingen ushaq qondy.
Gonkong qalasynda ánuranymyzdy shyrqatqan Erlik Sertaı, Rýslan Kýrbanov pen Vadım Sharlaımovty jankúıerler, týystary, dostary men BAQ ókilderi ystyq yqylaspen qarsy aldy.
Aıta keteıik, chempıondyq ataqqa jetý jolynda Qazaqstan erler komandasy Fınlıandııa (45:39), Ózbekstan (28:27), Danııa (45:36), Mysyr (41:32) jáne fınalda Ýkraına (45:40) komandasyn tize búktirdi.
Álem chempıonatyndaǵy bul jeńis Ulttyq quramanyń sátti óner kórsetýiniń zańdy jalǵasy. Qazaq semserlesý sheberleri dál osy quramda júıeli óner kórsetip, osyǵan deıin birqatar halyqaralyq jarystarda top jarǵan. Atap aıtqanda, 2023 jyly Ystanbul qalasyndaǵy álem kýbogynda, 2025 jyly Ar-Rııadtaǵy Islam Yntymaqtastyǵy oıyndarynda, bıyl Delıdegi Azııa chempıonatynda altynnan alqa taqqan. Sondaı-aq byltyr Grýzııa astanasynda komanda álemdik deńgeıdegi kóshbasshy Frantsııany utyp, qola medal jeńip aldy. Al endi tarıhta alǵash ret álem chempıonatynda tuǵyrdyń eń bıik satysyna kóterildi.
Álem chempıonatynyń qorytyndysy boıynsha Qazaqstan álem reıtınginde tek Shveıtsarııa men Frantsııaǵa jol berip, 3-orynǵa kóterildi.
Esk esalsaq Qazaqstan quramasy semserlesýden álem chempıony boldy. Prezıdent álem chempıony atanǵan qazaqstandyq semserlesýshilerdi quttyqtady.
Aıta ketelik Qazaqstan semserlesýden álem chempıonatyn bir medalmen aıaqtady.
