Semserlesýden álem chempıonaty: qazaqstandyqtardyń jekeleı syndaǵy nátıjeleri
ASTANA. KAZINFORM — Semserlesýden Gonkongta ótip jatqan álem chempıonatynda Qazaqstan quramasy jekeleı syndardaǵy jarysyn aıaqtady.
Qazaqstan quramasy sapyndaǵy eń úzdik nátıjeni semserlesýshi Kırıll Prohodov kórsetti. Ol jarystyń 1/8 fınalyna deıin jetip, qorytyndy esepte 16-orynǵa turaqtady. Rýslan Kýrbanov 18-orynǵa ıe bolsa, Erlik Sertaı 41-orynnan, Vadım Sharlaımov 50-orynnan kórindi.
Áıelder arasyndaǵy shpaga saıysynda Irına Bakaldına 41-orynǵa turaqtady. Sofııa Nıkolaıchýk 49-shy, Vladıslava Andreeva 71-shi, al Darıa Samodelkına 114-shi oryn aldy.
Erler arasyndaǵy rapıra saıysynda Tımofeı Semenov 75-orynǵa ıe boldy. Ǵalym Nurymov 109-shy, Tamırlan Kalıev 126-shy orynǵa jaıǵasty. Áıelder arasyndaǵy rapıra básekesinde Sofııa Aktaeva 49-nátıje kórsetse, Alena Gnoeva 105-shi, Alına Iskanderova 119-shy oryn aldy.
Sablıa básekesinde synǵa túsken qazaqstandyqtar da júldege ilige almady. Áıgerim Sarybaı 53-orynǵa, Karına Dospaı 57-orynǵa, Anastasııa Gýlık 61-orynǵa, Qaısha Jánibek 77-orynǵa turaqtady. Artem Sarkısıan 51-orynǵa ıe bolsa, Qýanysh Erǵashbaı 53-shi, Anzarbaı Sattarhan 56-shy, Nurmuhammed Jaılybaı 79-shy orynnan kórindi.
Aıta keteıik, erteń, 28 shildede álem chempıonatynda komandalyq jarystar bastalady.
Eske salaıyq, buǵan deıin Qazaqstan ústel tennısinen Almatydaǵy týrnırde taǵy eki medal jeńip alǵanyn habarlaǵanbyz.
