Semserlesýden 2027 jylǵy álem chempıonaty Ózbekstanda ótedi

TAShKENT. KAZINFORM - 2027 jyly eresekter arasyndaǵy álem chempıonaty Tashkentte ótetini belgili boldy, dep habarlaıdy Kazinform tilshisi Olympic.uz saıtyna silteme jasap. 

Tashkent qalasynda Halyqaralyq semserlesý federatsııasynyń kezekti Kongressi sátti ótti. Onda Alısher Ýsmonovtyń osy uıymnyń basshysy bolyp taǵy da saılanǵany habarlandy.

Sondaı-aq Ózbekstan semserlesý federatsııasynyń bas hatshysy Gúlnara Saıdova Halyqaralyq semserlesý federatsııasynyń Atqarý komıtetiniń múshesi boldy.
2027 jyly eresekter arasyndaǵy álem chempıonaty Ózbekstanda ótetini atap ótildi. Jospar boıynsha jarys 20-28 shilde aralyǵynda Tashkentte ótedi.

Eske sala keteıik, buǵan deıin jastar arasyndaǵy Azııa oıyndary Ózbekstanda ótpeıtin bolǵany jaıly jazǵan edik.