11:16, 12 Mamyr 2025 | GMT +5
Semserlesý sportynan Rýslan Kýrbanov álem kýbogynda kúmis aldy
ASTANA. KAZINFORM - Qylyshpen semserlesý sportynan Qazaqstan ulttyq quramasynyń kóshbasshysy Rýslan Kýrbanov Kolýmbııa astanasy - Bogota qalasynda ótip jatqan Gran-prı týrnırinde ekinshi oryn aldy.
Fınalda ol japonııalyq Akıre Komate 10:15 esebimen ese jiberip qoıdy. Osylaısha kúmis júldeni qanaǵat tutty.
Rýslan jartylaı fınalda ózbekstandyq Vadım Anohınnen 15:14 esebimen basym túsken edi.
Úzdik úshtikti frantsııalyq Lýıdjı Mıdelton túıindedi.
El quramasynan Erlik Sertaı úzdik ondyqqa kirdi. Ol jarysty segizinshi orynmen aıaqtady.
Eske salsaq, budan buryn Qazaqstan quramasynyń sportshysy Hamzaalper Romashkın taekvondodan Fýdjeırada (BAÁ) ótip jatqan jastar arasyndaǵy (WT) álem chempıonatynda altyn medal jeńip aldy.