Semserlesý boıynsha Álem kýbogy kezeńinde QR quramasy «kúmis» júlde utyp aldy
ASTANA. QazAqparat - Kanadalyq Vankýverde Álem kýbogynyń kezeńi aıaqtaldy. Onda semser boıynsha Qazaqstan erler quramasy komandalyq birinshilikte kúmis júldeger atanyp, otandyq semserlesý tarıhyndaǵy eń bıik tabysqa qol jetkizdi, dep jazady Sports.kz.
Gonkongtan qarsylastaryn - 45:22 esebimen jeńip bastaǵan qurama Reseı quramasyn - 45:39, Japonııa - 45:33 jáne Ýkraınany - 45:43 esebimen utty. Fınalda Vengrııa ókilderine 36:42 esebimen ese jiberdi.
Bul nátıje Qazaqstan quramasyna 52 reıtıngtik upaı ákeldi, bul Rıo-de-Janeıroda ótetin Olımpıadalyq oıyndarǵa joldama alýda bizdiń sportshylarymyzǵa úlken jol ashady.
