Semserlesý: Álem kýbogy kezeńinde qazaq sportshylary kúmis medal jeńip aldy

ASTANA. KAZINFORM – Semserlesýden jasóspirimder arasyndaǵy álem kýbogy kezeńinde qazaq sportshylary komandalyq synda kúmis júldege qol jetkizdi. 

QR Ulttyq olımpıadalyq komıteti málim etkendeı, shpagamen semserlesýden Qazaqstan komandasynyń músheleri Bogdan Lýkır, Georgıı Tınnıkov, Ǵabıden Mustafın jáne Alekseı Kasatkın fınalda jarys qojaıyndaryna ǵana ese jiberdi.

Atalǵan sportshylar byltyr da osyndaı nátıjemen qýantqan bolatyn.

Aıta keteıik, qazirgi tańda shpagamen semserlesýden Qazaqstan komandasy Halyqaralyq semserlesý federatsııasynyń komandalyq reıtınginde alǵashqy altylyqqa enedi.