Semizdikke shaldyqqan áıel otasyz 130 kelige aryqtady - FOTO
ASTANA. QazAqparat - 35 jastaǵy Emma Sılı asqazan bandajynan bas tartyp, óz qolymen aryqtady. Áıel 130 keli artyq salmaqtan emdám men jattyǵý jasaý arqyly qutyldy. Bul týraly Day.Az habarlady.
Emma bala kezinen salmaq qosa bastaǵan. Ol óziniń eń jaqyn dosynan aıyrylǵannan keıin, qaıǵysyn umytý úshin tátti toqashtardy, gambýrgerlerdi jáne t.b. jeı bergen. Emmaǵa semizdikke shaldyqqan degen dıagnoz qoıylǵan. Sol kezde onyń salmaǵy 190 keli bolǵan. Onda 40 jasqa deıin ómir súre almaımyn ba degen qorqynysh ta bolǵan. Sol kezde ol ózdiginen qarapaıym ádispen nebári 2 jylda 130 kelige aryqtaý týraly sheshim qabyldaǵan. Dárigerlerdiń oǵan ota jasa dep keńes bergenine qaramastan, ol dıetologtar men fıtnes-ınstrýktorlardan kómek suraǵan.
Emma óz degenine jetti. Eki jyldyń ishinde ol 32 kıim ólshemin 8-ge aýystyrǵan, 180 keliden 56 kelige deıin aryqtady.
«Men uzaq jyldar boıy óz salmaǵymnyń qansha ekenin oılaýdan qorqyp, ony ólshemeıtinmin. Salmaǵymdy ólshep, ózimniń 180 keli ekenimdi estigende, ózimdi jek kórip kettim. Ózimdi qolǵa alý kerek ekenin bildim. Bul meniń problemam boldy. Jáne ony men ózim jasadym. Sondyqtan da ony ózim sheshý kerek boldym. Ota jasatqym kelmedi. Bul qıyndyqty ózim sheshemin degen sheshimge keldim», - deıdi Emma.
