Semizdikke shaldyqqan almatylyq kelinshekke MÁMS aıasynda ota jasaldy

ALMATY. QazAqparat - Almatydaǵy №7 aýrýhanada semizdikke shaldyqqan 4 patsıenttiń asqazanyna mindetti áleýmettik medıtsınalyq saqtandyrý aıasynda operatsııa jasaldy, dep habarlaıdy QazAqparat tilshisi.
None
None

Aýrýhana baspasóz qyzmetiniń málimetinshe, dárigerler semizdikten zardap shekken 4 naýqasqa laparoskopııalyq barıatrııa jasady. Solardyń biri – 40 jastaǵy áıel. Salmaǵy - 103 keli. Ol aryqtaýdyń túrli joldaryn izdegen. Eshqaısysy nátıjıe bermegen soń, ota jasatýǵa bel býǵan.

«Laparoskopııalyq barıatrııa – artyq salmaqty rettep, semizdik saldarynan bolatyn arterıaldy gıpertenzııa, júrektiń ıshemııalyq aýrýy syndy ilespe dertterdi emdeýge múmkindik beretin zamanaýı ádis. Sátti jasalǵan otadan keıin áıel birden №2 hırýrgııa bólimshesine aýystyryldy. Qazir patsıenttiń jaǵdaıy bir qalypty, óz betinshe júrip-turady», - deıdi dáriger Musa Sahıpov.

Onyń aıtýynsha, ota adamnyń jasyna, qosymsha aýrýlary men zat almasý protsesindegi erekshelikterge qaraı jasalady. Manıpýlıatsııadan keıin patsıent shamamen 15-ten 80 kelige deıin salmaq tastaıdy.

Mundaı operatsııanyń quny - 600 myń teńge shamasynda. Joǵary tehnologııaly ota aqysy MÁMS paketi arqyly tólenedi.

Mamandar dereginshe, artyq salmaq ateroskleroz, gıpertonııa, ınfarkt, ınsýlt, qant dıabeti, asqazan-ishek aqaýy, artrıt, reprodýktıvtik júıe qyzmetiniń buzylýy syndy aýrýlarǵa ákep soqtyrady.

Hırýrgııalyq ota jasaý týraly sheshim dári-dármekpen emdeý nátıje bermegen kúrdeli jaǵdaılarda ǵana qabyldanady.

QR Ulttyq qoǵamdyq densaýlyq saqtaý ortalyǵynyń dereginshe, el halqynyń 20% astamy semizdikke shaldyqqan.

Buǵan deıin habarlaǵanymyzdaı, Túrkistan óńirinde barıatrııalyq hırýrgııany damytý jospary iske asyp jatyr.


Сейчас читают