Semirip ketken kirpi dıeta ustap, fıtnespen shuǵyldanýda
ASTANA. QazAqparat - Semizdikke adamdar da, tipti, kirpiler de shaldyǵady. Kólemi fýtbol dobyndaı bolyp semirgen tikendi janýardyń birin arytý úshin oǵan az tamaq berilýde, ári ol májbúrli túrde fıtnespen jattyǵýda.
Angılıanyń Ýılkshır graftyǵyndaǵy tálimbaqta turatyn Hogzılla (aǵylshynsha kirpi degen sózden jáne Godzılla ataýynan qurastyrylǵan) esimdi kirpiniń semirgeni sonshalyq, qorǵaný úshin domalana almaıtyn halge jetti. Bir jaǵynan, bul kúlkili, kirpi aldaǵy ýaqytta jabaıy tabıǵatqa jiberý kózdelgendikten, ol kez kelgen jyrtqyshtyń jeńil azyǵyna aınalýy múmkin.
Hodzıllanyń salmaǵy shamamen 1,7 keli, bul kádimgi kirpiniń ortasha salmaǵynan úsh ese artyq.
Hodzıllany burynǵy ıesi kúshikke arnalǵan azyqpen tamaqtandyrǵan, ári tamaq salynǵan tabaq kirpiniń janynda turǵandyqtan ol kóp qozǵalmaǵan.
Tálimbaqta bul jaǵdaıdy ózgertýge tyrysyp jatyr. Endi Hodzılla óte úlken torda ómir súredi. Jatyn orny men as salynǵan tabaǵy alys ornalastyrylǵan. Onyń qarny ashsa azyǵyna deıin biraz jer júrýi kerek. Tálimbaq qyzmetkerleri osylaısha kirpini aryqtatýdy kózdep otyr.
