12:15, 07 Mamyr 2025 | GMT +5
Semeılikter Astanadaǵy áskerı sherýdi tamashalap jatyr
SEMEI. KAZINFORM — Búgin Astanadaǵy «Qazaq eli» alańynda Uly Jeńistiń 80 jyldyǵyna arnalǵan Áskerı parad ótip jatyr, dep habarlaıdy Abaı oblysynyń ákimdigi.
Semeılikter áskerı sherýdi tamashalaý úshin oblys ortalyǵyndaǵy Arbatqa bardy.
Ardagerler, oblystyq máslıhat depýttary, saıası partııalar, azamattyq qoǵam ókilderi men jastar alańqaıǵa qoıylǵan LED-ekrannyń qasyna jınaldy.
Aıta keteıik, Elordadaǵy Áskerı paradqa qatysýǵa Abaı oblysynan 16 adamnan quralǵan delegatsııa attandy. Onyń ishinde tyl jáne eńbek ardagerleri bar.