Semeılik stýdentter jýrnalıst, etnograf Názıpa Quljanovanyń izin jalǵap júr
ASTANA. KAZINFORM – Áleýmettik jelide erekshe forma kıgen bilimgerlerdiń vıdeosy kópshiliktiń qoshemetine bólendi. Beınedegi stýdentter Semeı qalasynda ornalasqan Muhtar Áýezov atyndaǵy pedagogıkalyq kolledjdiń stýdentteri bolyp shyqty.
Názıpa Quljanovanyń kıim úlgisindeı forma kıgen arýlar Jibek Joly telearnasynyń «Búgin LIVE» baǵdarlamasyna onlaın baılanysqa shyǵyp, suhbat berdi.
– Kolledjimizdiń dırektorynyń bastaýymen osy forma tigildi. Áleýmettik jelide de kóp pikir men lúpil jınap jatyrmyz. Kóp jerdegi formalar birdeı klassıkalyq úlgide tigiledi. Tek bizdiń oqý ornymyzdaǵy, bizdiń bólimimizde ǵana osyndaı ádemi Názıpa Quljanovanyń obrazyna uqsas forma bar. Sol úshin de kóptiń nazaryna iligip jatyrmyz, – deıdi stýdentter.
Al kolledj pedagogteri kolledjde formaǵa eshqandaı shekteý joq ekenin aıtady. Formany kııý bilimgerlerdiń óz tańdaýy eken.
– Bizde formaǵa qatysty shekteý joq. Tek is-sharalarda, mańyzdy jıyndarda kıip shyǵamyz. Mektepke deıingi oqytý men tárbıeleý bóliminiń 100 stýdent qyzy túgeldeı osy formany kıedi, – deıdi pedagog-uıymdastyrýshy Іńkár Sáýletbekova.
Aıta keteıik, Názıpa Quljanova – qazaqtan shyqqan tuńǵysh jýrnalıst áıel. Ol sondaı-aq pedagog, aýdarmashy, etnograf jáne aǵartýshy bolyp eńbek etken. Sonymen qatar mektepke deıingi tárbıe men oqytý salasynyń negizin qalaýshylardyń biri.
Eske sala keteıik, Fınlıandııa Prezıdenti astanalyq stýdentterge qazirgi halyqaralyq júıeniń ózgerisi, kúshterdiń tepe-teńdigi jáne jahandyq turaqsyzdyq kezeńindegi shaǵyn memleketterdiń róli jóninde dáris oqydy.