Semeılik oqýshy Naýryz UBT-dan 140 ball jınady

ASTANA.KAZINFORM – Semeılik oqýshy Erasyl Saılaýov Naýryz UBT-dan 140 ball alyp, elimiz boıynsha eń joǵary kórsetkishke ıe boldy.

Erasyl Saılaýov Abaı oblysy Borodýlıha aýylynyń týmasy. 

Oqý-aǵartý mınıstrligi málimetinshe, ol qazir Álıhan Bókeıhan atyndaǵy qazaq orta mektebiniń jáne «Tarıh mektebi» bilim berý ortalyǵynyń túlegi. Erasyl Naýryz aıyndaǵy UBT-da 140 ball jınap, Qazaqstan boıynsha eń joǵary nátıjege qol jetkizdi.

Atalǵan kórsetkish negizinde aǵylshyn tili páninen 50 baldyq konvertatsııa jasaldy. Erasyldyń bos ýaqytynyń basym bóligi kitap oqýǵa jáne shet tilderin meńgerýge arnalady.

Til úırenýge degen qyzyǵýshylyǵynyń nátıjesinde ol 10-synypta oqyp júrgen kezinde IELTS halyqaralyq emtıhanyn tapsyrǵan. Sonymen qatar voleıbol sportymen turaqty túrde aınalysady.

Erasyldyń negizgi maqsaty – naǵyz UBT-da dál osy nátıjeni qaıtalap, 140 ball ıegeri ataný jáne «Dıplomatııa» mamandyǵy boıynsha memlekettik bilim grantyna ıe bolý.

Aıta keteıik, 2026 jylǵy 2 naýryzda bastalǵan UBT-ny búgingi kúnge deıin 31 myńnan astam adam ótti. Talapkerlerdiń 63%-y testileýdi qazaq tilinde, 37%-y orys tilinde jáne 74 adam aǵylshyn tilinde tapsyrdy.

Qazaqstanda UBT-ny ótkizý erejelerine ózgeris engizildi.