Semeılikterge gýmanıtarlyq kómek jınalyp jatyr
SEMEI. QazAqparat - Semeıde sý tasqynynan zardap shekkenderge gýmanıtarlyq kómek jınalyp jatyr, dep habarlaıdy QazAqparat.
«Nur Otan» partııasynyń Semeı qalalyq fılıaly sý tasqynynan zardap shekken turǵyndarǵa gýmanıtarlyq kómek kórsetýge shaqyrdy. Kómek qolyn sozýǵa nıeti bar turǵyndar azyq-túlik, kıim-keshek pen tósek jabdyqtaryn partııanyń qabyldaý bólimine ákelip tapsyrsa bolady. Jınalǵan dúnıeler sý tasqynynan zardap shekken Bobrovka, Murat, Mırnyı kentteri men Zaton, Túıemoınaq araly aýdandarynyń turǵyndaryna úlestiriledi.
Qabyldaý beketi Semeı qalasy, Chaıjúnisov kóshesi, 138, «Nur Otan» partııasynyń Semeı qalalyq fılıaly ǵımaratynda ornalasqan.
«Barlyq bastaýysh partııa uıymdarynyń tóraǵalaryna kómek kórsetý týraly hat joldandy jáne áleýmettik jeli, BAQ arqyly habar tarattyq. Gýmanıtarlyq kómek 29 naýryzdan bastaldy. Qazirde qala turǵyndary qoldarynan kelgenshe jerlesterine kómektesýge tyrysyp jatyr. Kún saıyn kómek kelip jatyr. Barlyǵy zardap shekkenderge beriletin bolady»,-deıdi «Nur Otan» partııasynyń Semeı qalalyq fılıalynyń qoǵamdyq qabyldaý bóliminiń meńgerýshisi Darhan Jumadilov.
